Aiseya 27 - Intas Etipup

Nuarin tas alupas 27.

1 Et aminjinaig upene nup an nakalasia o un a Atua. 7 Et eche naredai vaig u Atua im neruvaig o un. 12 Nakalasia u nup u Juta im nup urai iji pece.

¹ AN nopan iyehki etpu ahcai Levaiadan a Ihova an nauitoga o un et ipjin um alupas um arig, nikavaig, nimyeuv iyehki et adia; im lep Levaiadan, nikavaig, nimyeuv iyehki et aleuc; etpu lep atgei nispeuv alupas iyehki aien et amen an jap.

² An nopan iyehki uhmu auoh ohocred ilpu atimi unyak, ja era idivaig nokoro vaine cap unyak ara.

³ Ek aminjinaig nokoro vaine unyak ainyak Ihova; ek leh inwai urin ainyak irai iji opan: ek aminjinaig ainyak an nadiat im nepig, vai yi jim auahas tah.

⁴ Ek eti lep edemda ainyak: etpu emda a di par atapnes nyak irai iji itai upunupun im niji ipjid an nedoa? ekpu emda ainyak par algaunyi ra, im lep par atnamud ehni ra.

⁵ Ka etmu asjiraig nemda unyak aien, um asan nigpa vai nyak; ecrumu asan nigpa aijumrau.

⁶ An nopan iyehki etpu eteuc neucvai ilpu mapoi Jekob: erupu tisian a nup Isreel um elwa, etpu alupas nohwai itai ura an nobohtan asega.

⁷ Et mun eti auud nup Isreel a Atua, et idivaig is auud ra sji igki aien eris auud nup Isreel ara; et mun eti atgei ra aien, et idivaig is atgei ra sji igki aien eris atgei ra ara.

⁸ As eklim aru nedo ura aiek, as wat abraig pan ra aiek: et iknipagki ra aien an nimtinjap alupas o un an nadiat u natoga an wai.

⁹ Va nitai inigki uhpu atipagki nedo has u ilpu mapoi Jekob vaig; im lep inig, nohwan asega an neruvaig inig nigki par atipagki nedo has ura; eru wit ikni niji hat asega irai atau ara et idivaig nubrei eris ohuoplec, mika etpu eti lep eteuc niji atmasimai va nagesega, im lep vai inmohoc, um yetpan irai iji mesese.

¹⁰ Etpu idim ahyuahyu inmaliyum emda, etpu umaruma niji imnim iran, um atcijaig et idivaig namasacen: etpu hag eahki nakli kurimatau, etpu asjeuc eahki aien, um hag niji tiklaicai.

¹¹ Et wat imlai niji ran, uhpu asvipagki: erupu apam a ilpu takata, um adgan cap iran: era idim atimi eti eteuc lelra: va nitai inigki inyi eti aiheuc vai ra aien is ago ra aien, inyi eti imiatamaig ra aien is atupun ra aien.

¹² Im lep inig, an nopan iyehki etpu asjapicnaig nohwai itai o un a Ihova ahes an nofowai Yufretes um yetpan an wai Ijipt, uhpu lep asjapicnaig caua, ak nup Isreel, athi um athi ehni.

¹³ Im lep inig, an nopan iyehki uhpu ahlai intoho alupas, erupu lep ahtag pam ara eris ilpu ihki atimi ara an pece Asiria, im lep ra eris ilpu ohna ara an pece Ijipt, um atpuse an nuhup u Ihova an nedoon itap Jerusalem.