Aiseya 22 - Intas Etipup

Nuarin tas alupas 22.

1 Et taigtaig a naprofeta va napam, u nup u Persia par ati nedoa vai nup u Juta. 8 Et acaiji narapakau ura aien et ahes an nobohtan im nimiacitak ura et ahes ehele atimi. 15 Et asan tas upyi asaig aien mika eri atipagki natimi alupas u Sebna, um ati Elaiakim par isjeupigmoig yin; nitai asjaaicnaig nelcau u Kristo nigki.

¹ INTAS vai nup uran niskanse ahuumtidec iran nigki. Eka a uri aijaua, mika eka mun aridjipan irai lola eom aijaua asega?

² Et eti atumop tah, et eti igpa tah an maliyum inigki, era imiacitak natimi asega era amen iran ara: eris eti atgei ilpu atimi emesmas unyimia irai ij va atimi, eris eti emesmas ara an nedoa.

³ Eris ehrahapan a ilpu atimi alupas unyimia asega, eris arore ra a ilpu atimi apos efana: eris ehrarore ra asega iji ig eris ecet ra ehelemia, eris ahes itac acen ara um aha.

⁴ Va nitai inigki kis ika ainyak, Akumu easpan an taka uarin vai nyak aijaua; ekpu taig alupas ainyak, akumu jim ika aijaua ti eropse inliinmopok ainyak, vaig inig nikavaig, er auahas nup uran pece unyak.

⁵ Is ati nadiat a Natimarid Ihova esjilid acen par leh nohocred iran, um auwihise atimi, um ika yi ehioehio inliinmopoi atimi an niskanse ahuumtidec iran, era alcapdicraig niji athatahau ara, um ahlaig ijinies et ahelu nohrara irai edoon.

⁶ Eris apos niji cedpoi efana a nup Ham, eris atau imi ra a ilpu eucsupo im ilpu atimi ateuc irai jariot, eris atipagki niji cedpoi itai ahtaipup ura a nup u Kir.

⁷ Im lep inig, is ohua niji jariot irai iskanse esjilid unyimia eris esiai ra a ilpu atimi ateuc irai hors an neucse nathatahau.

⁸ An nopan iyehki eris atipagki nitai adahpoi nup u Juta, akis almaijidjid nij va atimi an neom an nesei aijaua.

⁹ Akis almaijidjid niji uarin alcapdicraig an maliyum u Tevit aijaua, mika is ahinag: akis asjapicnaig niji wai aijaua an netehvan sepagko.

¹⁰ Akis esvi niji eom Jerusalem aijaua, akis alcapdicraig niji eom aijaua mika aki uctaig nathatahau.

¹¹ Akis ucji netehvan aijaua juju an niblan nathatahau is ero erahki vai niji wai an netehvan itu: ja akis eti aespan yin aijaua is atupun nitai iji igki aien, akis lep eti alum yin aijaua is upyi ago aien.

¹² An nopan iyehki is ahlaig a Natimarid Ihova esjilid acen mika aki ehtigtaig aijaua, um aunyauwaig, um ucsei idjinimia, um aso caua ira apelumai uucai:

¹³ ja almoi! eris imiacitak ara um cediaig, eris auud kurimatau ara, um atgei siip, eris hegaig nohu itai ara, um umnyi waina eris ika ara, Ti hag akaija um umwig; intupu emesmas akaija imraig.

¹⁴ Is asuptecnaig ehelek a Ihova esjilid acen, um ika, Et ika a Natimarid Ihova esjilid acen, Eri idim eti ohpodohpod nedo has inigki vai caua um yetpan an nopan mas unyimia.

¹⁵ IS um ika a Natimarid Ihova esjilid acen, Namu apan aiek ehele natimi aminjinaig itai inigki, nan, Sebna, et esjilid an nimnim aien, um ika,

¹⁶ Inhe nigki ehelum eagko? Di nigki ehelum igcaki, mika as ahti netheso imi euc aiek igcaki an nij, et idivaig tah et ahti netheso imi yin aien an nuarin ijinies, um wud ugyit an nij inuarin amen imi yiu?

¹⁷ Im lep inig, etpu idim ethaigse euc a Ihova an nemda asega o un, etpu ataluopni euc nohocred.

¹⁸ Etpu idim imiarehed arehed euc emda, et idivaig inleuc itai er ethaigse pan an nuarin nobohtan alupas: napu mas eahki aiek, uhpu imiapan euc eahki irai iji jariot esjilid unyum, na itai ehcamai vaig aiek va nimnim u natimi alupas unyum.

¹⁹ Im lep inig, an nopan iyehki ekpu ahlaig ainyak vai naheca unyak, nan, Elaiakim inhal u Hilkaia.

²⁰ Ekpu ahlo euc ainyak ahes an nuarin inig na ohuun aiek, etpu aihiaigse euc aien an nuarin inig eris ati euc iran.

²¹ Ekpu aso yin ainyak an napelumai unyum, um ago emda yin au nitai ahid unyum, ekpu alupai yin natimi alupas unyum ainyak: etpu etmai ilpu atimi amen Jerusalem aien, im lep nup u Juta.

²² Ekpu atijai an neuhlin kii an neom u ilpu mapoi Tevit ainyak; etpu asalgei intapnes aien, ja etpu eti atapnes tah; etpu lep atapnes intapnes aien, ja etpu eti asalgei tah.

²³ Etpu ati aktit yin ainyak et idivaig neel an nuarin ipjin; etpu idivaig dorona esjilid aien vai ilpu atimi ehpan iran.

²⁴ Erupu aijcei iran ara natimi alupas asega u ilpu atimi ehpan iran, nikavaig, ilpu atimi alupas im tup atimi, niji ipjiitai haklin asega, ahes irai ipjikup, um yetpan irai ipjibeson asega.

²⁵ Et ika a Ihova esjilid acen, An nopan iyehki uhpu atipagki neel inig eris ati aktit an nuarin ipjin, uhpu lep acaldei, etpu lep etjose; uhpu wud yi aled nitai ahelwei eris aijcei iran: et mun idim asaig a Ihova.