Aiseya 2 - Intas Etipup

Nuarin tas alupas 2.

1 Et asan tas upyi asaig a Aiseya va napam u nelcau, u Kristo. 6 Et udei atimi a Atua va nedo has ura. 10 Et ated ra aien mika eri ecen va Atua, er idim imtitaig va natimi alupas o un.

¹ INTAS inig eris ehvaig ehele Aiseya inhal u Emos vai nup u Juta im nup u Jerusalem nigki.

² Ira adiat apitac uhpu ati ahtu nedoon inig et eteuc neom u Ihova iran ijinies irai lola au; uhpu imiaridjai um esjilid irai iji edoon; erupu lep ahtag pan iran a nup urai iji elcau asega.

³ Erupu lep apan a nup urai pece inyi ahinag, um ika, Akumu apam aijaua, intumu aridjipan akaija an nedoon u Ihova, im neom u Atua u Jekob; etpu lep esege imi caija nedo o un aieu; intupu lep atga nai efalaig o un akaija: etpu idim ahes Saion intas alep u Ihova; etpu lep ahes Jerusalem intas upene o un.

⁴ Etpu imiee sjipe intas an niblai nup urai elcau aien: etpu lep acaiji nup urai pece inyi ahinag aien: erupu lep lucsei auitoga ura ara um ago irak hat iran, im nij va atimi ura um ago itai u ilpu atimi ahapol iran: eri eti lep imiaridjai nij va atimi a nup uran nelcau et ethi vai nup uran nelcau et eche, eri eti lep esege imi ra ara irai iji mesese par ago nedoa.

⁵ Ak ilpu mapoi Jekob, akumu apam aijama, intumu atga akaija an lah u Ihova.

⁶ Ak Ihova, na idim esjum aiek va ilpu atimi unyum, ilpu mapoi Jekob marom, va nedo ura, nikavaig, era ohua a ilpu atimi araces an pece ura era ahes an ridjai o un ara, im lep ilpu atimi asig yi opdicrai itai et idivaig nup u Filistia; era uhum sjipe ara im ilpu atimi irai taka pece et ahinag.

⁷ Et um ohua silver im colt an pece ura, et eti tiih naga ura; etmu ohua niji hors an pece ura, et eti tiih niji jariot ura:;

⁸ et um ohua niji atmasimai an pece ura; era atpuse ara an nuhup u nauritai irai ikmara, nitai inig marom is ago nipsikmara:

⁹ et atpuse a natimi ihkin natimi, et ago nedo upoupo a natimi alupas: namu eti lep ohpodohpod nedo has ura aiek, ak Ihova.

¹⁰ Ak nat igki, namu apan anliin mun nij aiek, um atpuh an mun tan, um aha va nimtitaig alupas Ihova, im necen vai natimi alupas o un.

¹¹ Eh mun imiasuol ilpu atimi; iji ig et acen nesganimtara, era; mun apakapak a ilpu atimi iji ig eti ijinies inliinmopora, eh mun; imiaridjai Ihova ache an nadiat; iyehki.

¹² Et mun idim ati nadiat et ethi a Ihova esjilid acen va atimi asega; iji ig et ijinies inliinmopora, im lep va atimi asega iji ig eris imiaridjai ra; uhpu lep imiasuol ra:

¹³ im lep vai sitar asega iji ig Lebanon, et alupas um ijinies, im lep vai incai alupas asega Besan,

¹⁴ im lep vai niji au asega et ijinies, im lep vai niji edoon asega et ijinies,

¹⁵ im lep vai niji eom easpan itac asega et ijimes, im lep vai niji athatahau asega eris ago emda,

¹⁶ im lep vai niji elcau asega u nup u Tarsis, im lep vai niji itai esjilid asega era aespan ara.

¹⁷ Erupu lep apakapak a ilpu atimi iji ig et ijinies inliinmopora, uhpu imiasuol ilpu atimi iji ig et ijimes naktaktai ura: uhpu, imiaridjai Ihova ache an nadiat iyehki.

¹⁸ Etpu idim tiih pikgaig niji atmasimai.

¹⁹ Erupu apan irai mai ij ara, im lep nai mai tan, um aha va nimtitaig alupas Ihova, im necen vai natimi alupas o un, et wat atidai aien, um ika eri imtitaig alupas a nup uran nobohtan.

²⁰ An nadiat iyehki erupu? erekhaigse natimi vai cedo im nekrei niji atmasimai silver ura, ira niji atmasimai colt ura, eris ago ara mika eri alaigaheni vai ra ara;

²¹ mika eri apan ara irai iblai ij, im lep irai uarin ameled nij et riduit, um aha va nimtitaig alupas Ihova, im necen vai natimi alupas o un, et wat atidai aien, um ika eri imtitaig alupas a nup uran nobohtan.

²² Akumu jim lep asgeig ira natimi inig aijaua, et adekjai yin an gidjin aien: et eteuc an he er ecen vai yin vaig?