Aiseya 16 - Intas Etipup

Nuarin tas alupas 16.

1 Er ahugni nup u Moab mika eri imiaiji intas alep u Kristo an nelcau o un. 6 Er tas emda ehele nup u Moab va nijinies u inliinmopora. 9 Et imitaig ra a naprofeta. 12 Neruvaig irai nup u Moab.

¹ AKUMU imiapan nakli siip iyehki aijaua imi natimarid an pece, eri ahes Sila ara um yetpan an namasacen, um ati an nedoon u nup u Saion.

² Erupu idivaig inman melga, im niji hakli man eris ethaigse pan itac ra an nasiom ura, a ilpu takata an pece Moab irai uarin algauwaig nofowai Amon.

³ Akumu tas jipe aijaua, um; ago neruvaig atoh; akumu ago naiyu unyimia aijaua inyi idivaig nepig an niblan nadiatadiat; akumu adenaig ilpu ohna aijaua, um jim aniv yin et melga aien.

⁴ Ak nup u Moab, akumu ika aijaua eri amen ehelemia a ilpu ohna an pece unyak; akumu adahpoi ra aijaua va nesganimta atimi! ehcerucai ra: vaig inig nikavaig, et ti natimi atoraliak itai, et lep eti eteuc natimi agahas, eh mun auahas ehni ilpu atimi auwihise ra an nobohtan.

⁵ Uhpu ati aktit dorona an nedo aiheuc: etpu ateuc iran tah um; ago nedo inveijec an nimnim u; Tevit, etpu almaijidjid atimi aien! um ahilek nedo atoh, etpu auroauro aien um ago nedo upene.

⁶ Inta atahaijeg intas ijinies u nup u Moab akaija; et idim ijinies inliinmopora ara: et acen nesganimtara; et alupas nedo ijinies ura, im nedemda ura; et ahcil intas emda ura.

⁷ Va nitai inigki erupu aunyauwaig jipe a nup u Moab vai nup u Moab; erupu aunyauwaig ara! asega: akupu merit alupas vai; nohwai vaine irai Kirharesed aijaua, uhu wit auud ehni caua.

⁸ Et idim imlai niji uari pece irai Hesbon, im niji vaine irai; Sibma: eris asvipagki niji ahtaicai esjilid iran a ilpu atimarid u nup urai iji pece; is yetpan Jeser nahtaicai iji ehki, is melga an namasacen niji ran, is atgeig jipe, is yetpan an jap.

⁹ Va nitai inigki ekpu taig ainyak vai nohwai vaine irai Sibma, etpu idivaig intaigtaig u nup u Jeser intaig unyak: ekpu; ohai caua irai idiimtak ainyak, ak nup u Hesbon, im lep caua, ak nup Eliali: et mun idim yetpan naunyauwaig irai ohwai itai unyimia im lep an nasjapicnaig, nasau irai itai unyimia.

¹⁰ Er atipagki nimiacitak im incediaig vaig umamia et upene;: eri eti acesaces nohranitai irai okoro vaine, um eti aunyauwaig: erupu eti auwihise nohwai vaine irai itai ahtaijiraig ura a ilpu atimi ahtaijiraig; ek mun acaiji nedo imiacitak ura ainyak.

¹¹ Va nitai inigki etpu ehioehio inliinmopok ainyak vai nup u Moab um idivaig harp, etpu lep taig inliinmopok ainyak vai nup u Kirharesed.

¹² Eru wit ahlap vai ilpu atmas ura a nup u Moab, eru wit auatialidi ara vai itai ahlap ura irai iji tap ura, erupu apan irai eom itap ura ara mika eri alaigaheni ara, ja uhpu eti atahaijeg ra.

¹³ Intas nigki is asaig a Ihova vai nup u Moab an nopan iyehki.

¹⁴ Ja et tas a Ihova an nopan, inig, um ika, Etu wit ti pan itac inmesese inyi dri, et idivaig inmesese iji ig u natimi auanaheca va nimtan, uhpu auoh ehcamai natimi alupas u nup u Moab, im lep ilpu atimi asjapicnaig iji igki et ahinag; etpu haklin nahrira, eri eti elpat um eti emda.