Aiseya 11 - Intas Etipup

Nuarin tas alupas 11.

1 Et igpa nelcau inig et ahes irai neucvai Jese. 10 Era esjilid a nup Isreel irai ilpu atimi tak atimi ira ra, um adumoij pam an pece ura: er imiacaij nup urai iji elcau.

¹ ETPU upuhas a Jese et idivaig nighincai; etpu ehcohodaig Inrancai an neucvan:

² etpu amen aktit iran a Nesgai Ihova, Nesgan et ahes iran narapakau im nanaclelan, Nesgan et ahes iran naktaktai im nemda, Nesgan et ahes iran nato itai im nimiimtacimtac Ihova;

³ etpu ispun ato aien, um imiacitak ilpu atimi imiimtacimtac Ihova: etpu eti almaijidjid atimi aien et idivaig nalum itai u nesganimtan, um eti acaiji atimi et idivaig natahaijeg itai u intikgan:

⁴ ja etpu almaijidjid ilpu ihki atimi aien an nedo atoh, um aru nedo o ilpu atimi igpa an nobohtan an nedo inveijec: etpu auud nobohtan aien an rancai an nipjineucsen, um atgei ilpu atimi auatatimi an nehledowa o un.

⁵ Etpu itai ahid o un nedo atoh, etpu ahid an nohun nedo inveijec.

⁶ Etpu amen a kuri aleg ehele nakli siip, erupu ehrasjeuc pander im hakli nanin, im hakli kurimatau, im hakli laion, im kurimatau alupas; etpu asgi ra a inhalav haklin.

⁷ Erupu ehrihag kurimatau atahig im beer; erupu ehrasjeuc a ilpu hal urau: etpu caig nefelelicai a laion et idivaig kurimatau.

⁸ Etpu ago nedo imiacitak a inhadi an nuarin inig et amen iran a nispeuv has, etpu atise nikman a inhalav tup pam atwan nided an helhel u nimyeuv has.

⁹ Erupu eti ati inmocop ira atimi ara um eti auahas itai au nedoon itap asega unyak: vaig inig nikavaig, etpu ohua nato Ihova an nobohtan, et idivaig et ataluopni niji uarin ubo injap.

¹⁰ An nopan iyehki etpu itai ahlaig vai nup urai iji pece a Neucvai Jese eris imiatidai; erupu ahilek yin a nup urai iji pece: etpu esjilid muarin amen o un.

¹¹ An nopan iyehki etpu aketo a Natimarid um adaigjai nikman, mika yi imiadumoij pam nahri ilpu atimi o un, eri eti emesmas irai Asiria, im lep irai Ijipt, im lep irai Pedros, im lep irai Kus, im lep irai Ilam, im lep irai Sainar, im lep irai Hemad, im lep irai iji pece u unjap.

¹² Etpu aiyihi nitai ahlaig ehele nup urai iji pece aien, um asjapicnaig ilpu ohna u nup Isreel; etpu imiadumoij pam nup u Juta aien eris imiterimterim ra, ahes irai tid an nobohtan et for.

¹³ Etpu tiih nauatitai u nup Ifreem, uhpu atgei ilpu atimi tak atimi irai nup u Juta: erupu eti auatitai vai nup u Juta a nup Ifreem, erupu lep eti agahas nup Ifreem a nup u Juta.

¹⁴ Erupu ehritelotelo pan ehele nup u Filistia ara an nete o un; erupu ehratoraliak itai u nup an ridjai o un ara: erupu arop irai nup Itom ara im nup u Moab; erupu auaraheca ura a nup Amon.

¹⁵ Etpu ika a Ihova yi ame nafaiava an jap Ijipt; etpu auhaig nikman aien an nofowai Yufretes an nimtinjap emda o un, um auud nofowai iyehki um atiakoai, mika yi eteuc inrai wai inyi seven iran, um ika eri algauwaig a ilpu atimi o un irai cedpoi eduora.

¹⁶ Etpu eteuc nefalaig atoh vai nahri ilpu atimi o un, eri eti emesmas an pece Asiria ara; et idivaig is eteuc nefalaig vai nup Isreel an nopan iyehki eris wat ahes an pece Ijipt ara um apam igcaki.