Niji auritai o ilpu Apostolo 16 - Intas Etipup

Nuarin-tas alupas 16.

¹ IS yetpan Terbe im Listra aien: is amen eahki natimi alaigaheni is ethi, nidan Timodeus, is upu Jutaia a risin, um imyiisjis ninivaijec; ja is upu Crisi a etman:

² eris asan tas upene vai yin a ilpu etoan Listra im Aikoneum.

³ Is merit a Paulo mika yi ahced yin aien; is leh yin a Paulo um aperitome iran va nupu Jutaia irai uari-pece iji ehki: eris ato ara asega, nikavaig, is upu Crisi a etman.

⁴ Eris wat apaahni irai iji uari-pece ara, eris alupai ra intas alep iyehki, eris asaig a ilpu apostolo im ilpu atimi tas alep Jerusalem, mika eri imyiaiji ara.

⁵ Eris imyiisjis ninivaijec emda nup urai ekalasia, eris eldati pan ehele ra natimi irai iji adiat.

⁶ Eris apaahni an pece Frijya ara, im lep inpece Calesya: ja is acaiji ra a Nesgan Upene mika eri jim asuptecnaig intas Esya;

⁷ eris yetpan Misya ara, um lep ika eri apan Bidinya: ja is acaiji ra a Nesgan Upene.

⁸ Eris ahtaregdei Misya ara, um apok Troas.

⁹ Is wat epeig, is ehcohos pan ehele Paulo a nupu Masetonea is ethi an numjeg ahnag o un; is aiji aien, um ugni yin, um ika, Apam aiek Masetonea, um atau irama.

¹⁰ Is wat ecetai nitai ineigki aien, ecris auroauro aijama um ika ecri fi apan Masetonea, ecris idim ato aijama, nikavaig, is abrai cama a Natimarid mika ecri asuptecnaig intas-upene ehele ra aijama.

¹¹ Ecris wat atceija nelcau Troas aijama, um aheldaktit inpece Samodresya, is wat lahlah an tak apnyin ecris apahai Niapolis aijama;

¹² ecris ahes eahki aijama, um apahai Filipai, nuarin-pece uhup an nahaijin Masetonea iyehki, is uarin eris amen iran iyehki nupu Roma: ecris amen aijama an nuarin-pece iyehki ira adiat is eti elpat.

¹³ Ecris lep ahes an nuarin-pece iyehki aijama an nadiat atumop, um apan u nofowai an nuarin is ethi eris asjapicnaig iran natimi par alaigaheni; ecris ateucse aijama, um tas ehele ilpu takata eris apan eahki ara.

¹⁴ ¶ Is atahaijeg cama intakata is ethi, nidan Litya, is ahtai apelumai cop aien, is up an nuarin-pece Daiataira aien, um alaigaheni vai Atua: is asalgei inliinmopon a Natimarid, mika yi ahgei aieu intas iji eigki is asaig a Paulo.

¹⁵ Is wat leh nabaptiso iran aien, im lep ra an nimnim o un, is imyiacaij cama aien, um ika, El eka aktaktai aijaua, nikavaig, ek inivaijec vai Natimarid ainyak, apam aijaua um amen an neom unyak. Is imyiacaij emda cama aien.

¹⁶ 51 Ecris wat apan aijama alaig u nalaigaheni, is ehtet irama natahaig is ethi is ahei yin nagelo asigyopdicrai itai; eris auarakosin vai yin a ilpu atimi alupas o un vai intas asigyopdicrai itai o un:

¹⁷ is apitac Paulo aien im cama, um ahlaig, um ika, Era ilpu aheca o Atua esjilid acen ara sji eigki, era asuptecnaig imi cama ara nefalaig imyiatamaig atimi.

¹⁸ Is ago nedo ineigki aien ira adiat is ahinag. Is taigtaig a Paulo, um ahidai yin, um ika ehele nagelo iyehki, Ek asaig ehelum ainyak an nidai Iesu Kristo mika an deijig yin aiek. Is um deijig yin aien an nuarin-nadiat iyehki.

¹⁹ Eris wat ato a ilpu atimi alupas o un, nikavaig, eri eti lep auarakosin ara, eris arop irai Paulo im Sailas ara, um aihiaig pan rau an tiptag ehele ilpu atimi alupas,

²⁰ um ati rau an nuhup u ilpu atimi alupas, um ika, Erau imyidohalav nuarin-pece uja natimi eraigki, erau upu Jutaia arau,

²¹ um asuptecnaig nedo ineigki, et itaup vai caija inlehvaig, um ago, inta upu Roma akaija.

²² Eris ehras atidai natimi is ahinag vai rau; eris ahpati napelumai urau a ilpu atimi alupas, um ika eri aredei rau:

²³ eris ehcahinag aredei rau ara, ja par ati rau anliin neom ipjin, um ika ehele natimi aminjinaig neom ipjin yi aminjinaig upene rau:

²⁴ is ati rau aien an nidjin neom ipjin vai intas iyehki, um ahtehgaig nauincai irai eduorau.

²⁵ Is wat ijihgan nepeig, erus acesaces nohranitai vai Atua a Paulo im Sailas an nalaigaheni urau: eris atahaijeg rau a ilpu atimi amen anliin neom ipjin.

²⁶ Is um auroauro um eteuc nomoi alupas, um amaamai nohuun neom ipjin: is auroauro um ispun asalgei intapanes asega, um ehrigrag itai arore ira atimi asega.

²⁷ Is wat aiji lahlah a natimi aminjinaig neom ipjin, um ecetai intapanes an neom ipjin nasalgeivaig, is aihiacse nauitoga o un aien, mika yi ispun atgei yin; is aktaktai aien, mika eris mun aha a ilpu atimi arore ra.

²⁸ Ja is ahlaig ijinies a Paulo, um ika, Jim auahas euc aiek: aijama asega aigki ecra amen igcaki.

²⁹ Is ika aien, eri alupai yin incop alahala, ig um aliaujai pan aien anliin neom, um ucjucjucaij, um atpuse an nuhup o Paulo im Sailas,

³⁰ um imyialau ijo rau, um ika, Ak ohwat atimi alupas, inki fi ago inhe ainyak mika eri imyiatamaig nyak?

³¹ Erus ika arau, Namu asgeig irai Iesu Kristo Natimarid aiek, uhpu imyiatamaig euc, im lep ra an nimnim unyum.

³² Erus asuptecnaig ehelen arau intas o Natimarid, im lep ehele ra asega an nimnim o un.

³³ Is leh rau aien an nuarin-nepeig iyehki, um yiri inmocop ira rau, is auroauro aien um leh nabaptiso iran, im lep ra asega an nimnim, o un.

³⁴ Is imyiapan rau aien an neom o un, um alaa rau nitai caig, um imyiacitak, is imyiisjis ninivaijec vai Atua aien, im lep ra asega an nimnim o un.

³⁵ Is wat lahlah an tak apnyin, eris abrai ilpu aheca ura a ilpu atimi alupas, um ika, Atceijaig natimi eraigko.

³⁶ Is asuptecnaig intas iyehki ehele Paulo a natimi aminjinaig neom ipjin, um ika, Era ika a ilpu atimi alupas uhmu atceijai caurau: va nitai ineig arumu tup eklim atga unyimirau aijaurau.

³⁷ Ja is um ika ehele ra a Paulo, Ecrau upu Roma aijumrau, era mun aredei cumrau ara an nuhup o atimi, jam eti asuptecnaig tah nedo has unyimrau, um lep ati cumrau anliin neom ipjin; era ika ara eri echim atceijai cumrau an naopan ineig; oʼo; erumu idim ham ara, um ati pok ijo cumrau.

³⁸ Eris asuptecnaig intas iji eigki a ilpu aheca ehele ilpu atimi alupas: eris wat atahaijeg ara, nikavaig, erus upu Roma arau, eris imtitaig ara;

³⁹ eris apan ara, um tas updak ehele rau, um leh pok ijo rau, um ugni rau, mika eru atga urau arau, um ude nuarin-pece ura.

⁴⁰ Erus epujaig neom ipjin arau, um apan anliin neom o Litya: erus wat ecet ilpu etoarau arau, erus tas upene ehele ra arau, um atga urau.