2 Samuel 23 - Intas Etipup

Nuarin tas alupas 23.

1 Ek ika a Tevit irai tas apitac o un et ateuc an tas o Atua aien ja et ehka par ato um asuptecnaig vaig. 6 Et eche namen u ilpu atimi auatatimi. 8 Niji idai ilpu atimi emda u Tevit.

¹ INTAS apitac o Tevit ji igki. Is asaig a Tevit inhal u Jese; is asaig a natimi inig is esjilid ira atimi aien; aien aigki is ati yin a Atua u Jekob; aien aigki is ago upene nohraiitai u nup Isreel.

² Is ika aien, Is ahu intas irak a Nesgai Ihova; is amen intas o un an nipjineucsek;

³ is asaig ehelek a Atua u nup Isreel; is asan tas aktit ehelek a Inhehteuc u nup Isreel; um ika, Etmu atoh nedo o natimi inig et atimarid ira atimi aien; etmu ecen vai Atua aien an natimi alupas o un;

⁴ etpu aridjai aien et idivaig inlah an nuhialeg: et wat aridjai nagesega an tah nuhialeg et ti napat iran; et idivaig nededel u nomotmot upene, et wat ehe ja par agesega.

⁵ Et eti idivaig nigki nup u nimnim unyak an nuhup u Atua; ja et mun asan tas etipup inyi eti lep ti ehelek aien, er ikni atoh intas asega iran, et lep ipjin: nitai imiatamaig nyak asega nigki, im nitai merit asega unyak; ja is eti ika aien yi edel intas inigki.

⁶ Ja namen u ilpu atimi auatatimi nigki, nikavaig, eri idivaig ahtaicai upunupun, er ethaig pan itac, um ahli an nuarin eteuc iran ura:

⁷ va nitai inig, nikavaig, et ehka par asjiraig ra an nikma atimi, ja natimi inig et ika aien yi atai ra, er idim ika yi apos inpas aien im inmopul hat.

⁸ Nidai ilpu atimi emda eris leh imi Tevit ji igki: is ateuc an nitai ateuc a Atino inhal u Hak-monai, is esjilid irai ilpu atimi alupas aien; is aat ira atimi is eet huntret (800) aien, um ahau ra an nopan is ethi.

⁹ Is apitac yin a Eliesar inhal u Toto nup Ahoa, is ethi aien ira atimi emda is dri ehele Tevit, ehtijis wat ati nedoa vai nup u Filistia ahtaij, an nasjapicnaig vai nedoa ura, eris mun atupun a nup Isreel um aha:

¹⁰ is aat irai up u Filistia aien, um auud ra, um yetpan an nauatialidi u nikman; is lep apol an nerehen nauitoga o un nikman: is imiatamaig alupas ra vai yin a Ihova an nadiat iyehki; eris adumoij natimi um apitac yin, mika eri tup lucsei niji itai eris atoraliak an nedoa.

¹¹ Is apitac yin a Sama inhal u Acii nup u Herar. Eris asjapicnaig a nup u Filistia an pak an nedoa an nuarin nobohtan is ethi is ataluopni iran nariko: eris aha natimi vai nup u Filistia.

¹² Ja is aiji aien juju an nuarin nobohtan iyehki, um acadai ra vaig, um auud nup u Filistia: is imiatamaig alupas, atimi vai yin a Ihova.

¹³ Ehtijis asuol ahtaij, nikavaig, natimi alupas is dri ira atimi emda is dirte iji ehki, um apan ehele Tevit an nopan meto o ohwaiitai, an mun nij Atullam: is amen inpak an nedoa u nup u Filistia au niskanse Rifeem.

¹⁴ Is amen a Tevit an nuarin ehka is ethi; is amen inpak an nedoa u nup u Filistia Bedlehem.

¹⁵ Is ahvig wai a Tevit, um ika, Awe! etpu lumak tah inwai a di, au nimtanwai ahlau ohua jai iyehki Bedlehem, et eteuc an neucse nathatahau?

¹⁶ Ehtijis ahau inpak an nedoa u nup u Filistia ahtaij, nikavaig, natimi emda is dri erahki, um athoi wai an nimtanwai iyehki Bedlehem u neucsen nathatahau, um leh, um imiapan ehele Tevit: ja is esjum aien numnyi vaig, jam atladwi vai Ihova.

¹⁷ Is um ika aien, Et itap vai nyak, ak Ihova, par ago nitai inigki: et idim inja ira atimi erahki inwai inigki; ehtijis eti aktaktai numoh u ehtaij ahtaij: is idim esjum aien numnyi vaig. Ehtijis ago nitai iji igki ahtaij atimi emda erahki.

¹⁸ Is apitac ehtaij erahki a Abiseai etwai Joab, im inhal u Seruaia, jam esjilid ira atimi emda is dri is eche: is aat ira atimi is dri huntret (300) aien, um ahau ra; is esjilid nidan ira atimi emda is dri.

¹⁹ Is esjilid ira atimi emda is dri aien; eris ati yin mika yi atimi alupas u ehtaij: ja is eti apapa pan ira atimi emda is dri erahki uhup.

²⁰ Is apitac yin a Bineya inhal u Jehoiata (inhal u natimi emda is ethi Kabsiil), is ago nauritai ehka is ahinag aien; is auud natimi is ero aien, erus up u Moab arau, um idivaig laion: is lep asuol aien anliin nehpanitai an nopan asuol sno iran, um auud laion is ethi:

²¹ is lep auud nup Ijipt is ethi aien, is atimi emda aien: is amen inmopul an nikmai nup Ijipt; ja is asuol ehelen aien um apos niseuc ache, um atipagki inmopul irai nikmai nup Ijipt, um atgei yin an mopul o un.

²² Is ago nitai iji igki a Bineya inhal u Jehoiata, eris aniv yiu ehele natimi emda is dri.

²³ Is esjilid nidan ira atimi emda is dirte, ja is eti apapa pan ira atimi emda is dri erahki uhup. Is um ati yin a Tevit mika yi atimi alupas u ilpu eucsupo aminjinai yin.

²⁴ Is atimi esjilid ira atimi emda is dirte iji ehki a Asahel, etwai Joab; is lep ethi aien ira atimi emda is dri erahki sekunt. Nidan atimi emda is dirte ji igki; nan, Elhenan inhal u Toto nup u Bedlehem,

²⁵ im Sama nup u Herot, im Elika nup u Herot,

²⁶ im Hiles nup u Paltai, im Aira inhal u Ikkes nup u Tekoa,

²⁷ im Ahiiser nup Anedod, im Mibunne nup u Husad,

²⁸ im Salmon nup Ahoa, im Mahareai nup u Netofadai,

²⁹ im Hileb inhal u Beana nup u Netofadai, im Iteai inhal u Raibe, is ahes irai Cibea aien, inmaliyum u ilpu mapoi Benjamin,

³⁰ im Bineya nup u Piradon, im Hiteai, is ahes irai iskanse Ceas aien,

³¹ im Abialbon nup Arba, im Asmaved nup u Barhuma,

³² im Elaiaba nup u Sealbon, im Jonadan, is ethi irai ilpu hal u Jesen,

³³ im Sama nup u Herar, im Ahaiam inhal u Serar nup u Herar,

³⁴ im Elifelet inhal u Ahasbeai, inhal u nup u Meaka, im Elaiam inhal u Ahidofel nup u Cailo,

³⁵ im Hesreai nup u Karmel, im Peare nup Arbai,

³⁶ im Aical inhal u Nedan nup u Soba, im Benai nup u Cat,

³⁷ im Silek nup Amon, im Neharai nup u Bierod, is apos nij va atimi u Joab inhal u Seruaia aien,

³⁸ im Aira nup Idra, im Cereb nup Idra,

³⁹ im Uraia nup u Hed: eris dirte seven ara asega.