1 Timodeus 4 - Intas Etipup

Nuarin-tas alupas 4.

¹ ET idim ika a Nesgan Upene, erupu adumoij an nimyiisjis ninivaijec nahaiji atimi an tak aopan, um imyiaiji intas o ilpu atimi imyiahnag ra, im nesege irai ilpu atmas:

² an nefaifa u ilpu atimi asan tas ahcil; etpu lep ipjin inliinmopura ara vai inhat ehri;

³ erupu acaiji atimi ara mika eri jim asa atmehgan ara, um lep ika, uhmu jim hegai itai hegaig, nitai iji eigki is ago a Atua, mika eri leh um naaurineig vaig a ilpu atimi ato intas inivaijec, um eteuc iran.

⁴ Et upene niji itai asega is ago a Atua, uhmu jim esjum vaig tah nitai, el eh leh um naaurineig iran:

⁵ et adicinadicin nitai caig vai intas o Atua im nalaigaheni.

⁶ El et ahugni lele ilpu etoaija aiek an nitai iji eigki, napu aheca upene u Iesu Kristo aiek, eris asuptecnaig ehelum intas an nimyiisjis ninivaijec, im nesege upene ineig, na apol iran aiek.

⁷ Ja namu esjum aiek vai intas ecsipece va nedo aupat im intakitai, jam esege imi euc aiek nedo eccen vai Atua.

⁸ Et upene tintin ache nesege u nohuja: ja et upene nedo eccen vai Atua an niji itai asega, eris upyi asaig uhpu leh nitai umoh iran an naopan ineig, im lep an tak aopan.

⁹ Et inivaijec intas ineigki, um upene neteuc iran asega vaig.

¹⁰ Va nitai ineigki inta auritai akaija, um leucse nohocred vai intas has u atimi, ja inta aitgai Atua umoh ineig akaija, et imyiatamaig atimi asega aien, jam imyiatamaig esjilid ilpu atimi asgeig iran.

¹¹ Namu asuptecnaig nitai iji eigki aiek, um esege.

¹² ¶ Etmu jim imyipalea intakuras unyum tah natimi; jai namu itai asjaaicnaig aiek imi ilpu atimi imyiisjis ninivaijec, an tas unyum, im nedo unyum, im naiheuc va atimi unyum, inliinmopom, im nimyiisjis ninivaijec unyum, im nadicinadicin unyum.

¹³ Namu emda aiek um esvi intas itaup, um ated atimi, um esege imi ra, um imyihum pan an naopan iyehki ekpu ham ainyak.

¹⁴ Jim ude nemda ineig eris alupai euc, vai intas upyi asaig, im lep natijai nikmai ilpu atimi tas alep iram.

¹⁵ Namu aktaktai nitai iji eigki aiek, um eteuc iran; mika eri ato nemda unyum atimi asega.

¹⁶ Aminjinai euc aiek, im nesege unyum; um apol iran: napu imyiatamaig euc aiek an nedo ineigki, im lep ra era atahaijeg euc ara.