1 ଯୋହାନ୍ 1 - ମୁଣ୍ଡା ନାୱା ନିୟାମ୍ଜୀଦାନ୍ ରାଃ ବାଚାନ୍ 1 ଏନ୍ ଜୀଦାନ୍ ରାଃ ବାଚାନ୍ ରାଃ ବିଷାୟ୍ ରେ ଅକନାଃ ମୁନୁ ଏତେ ତାଇନ୍ କେନା, ଅକନାଃକେ ଆଲେ ଆୟୁମ୍ କେଦାଲେ, ହାର୍ ଅକନାଃକେ ଆଲେ ମେଏଃ ତେ ନେଲ୍ କେଦାଲେ, ମେନ୍ଦୋ ଅକନାଃକେ ଆଲେ ଧ୍ୟାନ୍ତେ ନେଲ୍ କେଦାଲେ ଆଡୋଃ ତିଈ ତେ ଜୁଟିଃ କେଦାଲେ। 2 ନେ ଜୀଦାନ୍ ନେଲ୍ ଜାନା, ହାର୍ ଆଲେ ଏନାକେ ନେଲ୍ କେଦାଲେ ଆଡୋଃ ଏନାରାଃ ଗୋୱା ଏମ୍ ତାନାଲେ, ହାର୍ ଆପେକେ ଏନ୍ ଜାନାଓ ଜୀଦାନ୍ ରାଃ ସାମାଚାର୍ ଉଦୁବ୍ ତାନାଲେ ଅକନାଃ ଆପୁ ଲୋଃ ତାଇକେନା ହାର୍ ଆଲେୟାଃ ରେ ନେଲ୍ ଜାନା। 3 ଅକନାଃକେ ଆଲେ ନେଲ୍ କେଦାଲେ ହାର୍ ଆୟୁମ୍ କେଦାଲେ ଏନାରାଃ ସାମାଚାର୍ ଆପେ କେହ ଏମ୍ ତାନାଲେ, ଏନାମେନ୍ତେ ଚି ଆପେ ହ ଆଲେ ଲୋଃ ମିଃରେ ତାଇନୋଃପେ, ହାର୍ ଆବୁୱାଃ ନେ ମିଃରେ ତାଇନୋଃ ଆପୁ ଲୋଃ ହାର୍ ଇନିଜାଃ ହୋନ୍ ୟୀଶୁ ମାସୀହ୍ ଲୋଃ ମେନାଃ। 4 ହାର୍ ନେ କାଜି ଆଲେ ନେୟାମେନ୍ତେ ଅଲ୍ ତାନାଲେ ଚି ଆବୁୱାଃ ରାଶିକା ପୁରାଅଃକା। ମାସ୍କାଲ୍ ରେ ସେନେପେ 5 ଅକନ୍ ସାମାଚାର୍ ଆଲେ ଆଜାଃତେ ଆୟୁମ୍ କେଦାଲେ, ଆଡୋଃ ଆପେକେ ଉଦୁବ୍ ତାନାଲେ, ଏନା ନେୟା ତାନାଃ ଚି ପାର୍ମେଶ୍ଵାର୍ ମାସ୍କାଲ୍ ତାନିଃ ଆଡୋଃ ଇନିଜାଃ ରେ କାଟିଜୋ ନୁବାଃ ବାନୋଃ। 6 ଆଗାର୍ ଆବୁ କାଜିତାନାବୁ ଚି ଇନିଃ ଲୋଃ ଆବୁୱାଃ ମିଃରେ ତାଇନୋଃ ମେନାଃ ମେନ୍ଦୋ ଆଡୋଃଗି ନୁବାଃ ରେ ସେନ୍ ତାନାବୁ, ଏଣ୍ଡେ ଆବୁ ହିଡ଼୍ ତାନାବୁ, ହାର୍ ସାର୍ତି ରେ କାବୁ ସେସେନ୍ ତାନା; 7 ମେନ୍ଦୋ ଆଗାର୍ ଚିଲ୍କା ଇନିଃ ମାସ୍କାଲ୍ ରେ ମେନିଜା, ଏନ୍ଲେକାଗି ଆବୁ ହ ମାସ୍କାଲ୍ ରେ ସେନ୍ ତାନାବୁ, ଏଣ୍ଡେ ମିହୋଡ଼୍ ଏଟାଃ ନିଈ ଲୋଃ ମିଃରେ ତାଇନୋଃ ତାନାବୁ, ହାର୍ ଇନିଜାଃ ହୋନ୍ ୟୀଶୁ ରାଃ ମାୟୋମ୍ ଆବୁକେ ସବେନ୍ ପାପ୍ କୋଏତେ ଫାର୍ଚି ବୁତାନାଏ। 8 ଆଗାର୍ ଆବୁ କାଜିତାନାବୁ ଚି ଆବୁୱାଃ ରେ କାଟିଜୋ ପାପ୍ ବାନୋଃ, ଏଣ୍ଡେ ଆବୁ ଆପାନ୍ କେ ଲୋଗୋ ତାନାବୁ, ହାର୍ ଆବୁୱାଃ ରେ ସାର୍ତି ବାନୋଃ। 9 ଆଗାର୍ ଆବୁ ଆବୁୱାଃ ପାପ୍ କୋକେ ମାନାତିଙ୍ଗ୍ କେୟାବୁ, ଏଣ୍ଡେ ଇନିଃ ଆବୁୱାଃ ପାପ୍ କୋକେ ଛାମା ରିକା, ହାର୍ ଆବୁକେ ସବେନ୍ ଆଧାର୍ମ୍ ତେ ଫାର୍ଚି ରିକାଏ ରେ ବିଶ୍ଵାସେ ଲେକାନିଃ ହାର୍ ଧାର୍ମୀ ତାନିଃ। 10 ଆଗାର୍ ଆବୁ କାଜିତାନାବୁ ଚି ଆବୁ କାବୁ ପାପ୍ କାଦା, ଏଣ୍ଡେ ପାର୍ମେଶ୍ଵାର୍ କେ ଝୁଠା ବାଇତାନାବୁ, ହାର୍ ଇନିଜାଃ ବାଚାନ୍ ଆବୁୱାଃ ରେ ବାନୋଃ। |
Munda (ମୁଣ୍ଡା) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation