୧ କରିନ୍ଥିୟ 6 - ମୁଣ୍ଡା ନାୱା ନିୟାମ୍ମାସୀହ୍ ହୋଡ଼ୋକୋ ରେ କାଛେରୀ କାଜିକୋ 1 ଚିନାଃ ଆପେ କୋଏତେ ଜେତାଏ କେ ନେକା ସାହାସ୍ ହୋବାଃୱା ଚିମ୍ତାଙ୍ଗ୍ ଏଟାଃନିଃ ଲୋଃ ଝାଗ୍ଡ଼ା ହୋବାଅଃୱା, ଇମ୍ତା ବିଚାର୍ ଲାଗିନ୍ତେ ପାବିତାର୍ ହୋଡ଼ୋ କୋତାଃ ସେନ୍ ବାଗିକେତେ ଆଧାର୍ମୀ କୋତାଃ ସେନାଏ? 2 ଚିନାଃ ଆପେ କାପେ ସାରିୟା ଚି ପାବିତାର୍ ହୋଡ଼ୋକୋ ଅତେଦିଶୁମ୍ ରେନ୍ ହୋଡ଼ୋକୋୱାଃ ବିଚାର୍ ୟାକୋ? ଏନାମେନ୍ତେ ଚିମ୍ତାଙ୍ଗ୍ ଆପେକେ ଅତେଦିଶୁମ୍ ରେନ୍ ହୋଡ଼ୋକୋୱାଃ ବିଚାର୍ ରିକା ମେନାଃ, ଏଣ୍ଡେ ଚିନାଃ ଆପେ ହୁଡିଙ୍ଗ୍ ତେ ହୁଡିଙ୍ଗ୍ ଝାଗ୍ଡ଼ା ରାଃ ହ ଫାଏସାଲା ଧାଡ଼ିନିଃ ନାହାଲାପେ? 3 ଚିନାଃ ଆପେ କାପେ ସାରିୟା ଚି ଆବୁ ସିର୍ମାଦାସୀ କୋୱାଃ ବିଚାର୍ ୟାବୁ? ଏଣ୍ଡେ ଚିନାଃ ନେ ଜୀଦାନ୍ ରେୟାଃ କାଜି କୋରାଃ ଫାଏସାଲା କାବୁ ଧାଡ଼ିୟା? 4 ଆଗାର୍ ଆପେକେ ନେ ଜୀଦାନ୍ ରେୟାଃ କାଜି କୋରାଃ ଫାଏସାଲା ରିକା ମେନାଃ, ଏଣ୍ଡେ ଚିନାଃ ଇନ୍କୁକେଗି ବିଚାର୍ ଲାଗିନ୍ତେ ଦୁବ୍ କୋୱାପେ ଅକନ୍କୋ କାଲିସିୟା ରେନ୍ ଜେତ୍ନାଃ ହ ନାହାଲାକୋ? 5 ଇଙ୍ଗ୍ ଆପେକେ ଗିୟୁଃ ଲାଗିନ୍ତେ ନେୟା କାଜିପେ ତାନିଙ୍ଗ୍। ଚିନାଃ ସାର୍ତିଗୀ ଆପେ ଥାଲାରେ ମିହୋଡ଼୍ ହ ସେଣାନ୍ ବାଙ୍ଗ୍ କୋୱା, ଅକନିଃ ଆପାନାଃ ମାସୀହ୍ ହାଗା କୋୱାଃ ବିଚାର୍ ରିକା ଧାଡ଼ିୟାଏ? 6 ଆପେ ଥାଲାରେ ହାଗା-ହାଗା ରେଗି କାଛେରୀ କାଜିକୋ ହୋବାଅଃତାନା, ହାର୍ ଏନା ହ ଆବିଶ୍ଵାସୀ ବିଚାର୍ ହୋଡ଼ୋକୋ ନାଡ଼େଏ ରେ। 7 ମେନ୍ଦୋ ସାର୍ତିଗୀ ଆପେ ଥାଲାରେ ମାରାଙ୍ଗ୍ ଦୋଷ୍ ଦୋ ନେୟା ତାନାଃ ଚି ଆପେ-ଆପେ ରେ କାଛେରୀ କାଜିକୋ ହୋବାଅଃ ତାନାପେ। ଆନ୍ୟାୟ ଚିନାଃ ମେନ୍ତେ କାପେ ସାହାତିଙ୍ଗ୍ ତାନା? ଆପାନାଃ ହାନି ଚିନାଃ ମେନ୍ତେ କାପେ ସାହାତିଙ୍ଗ୍ ତାନା? 8 ମେନ୍ଦୋ ଆପେ ଗି ଦୋ ଆନ୍ୟାୟ ତାନାପେ ହାର୍ ହାନି ତାନାପେ, ହାର୍ ଏନା ହ ମାସୀହ୍ ହାଗାକୋକେ। 9 ଚିନାଃ ଆପେ କାପେ ସାରିୟା ଚି ଆଧାର୍ମୀ ହୋଡ଼ୋକୋ ପାର୍ମେଶ୍ଵାର୍ ରାଃ ରାଇଜ୍ ରାଃ ଆଧିକାରୀ କାକୋ ହୋବାଅଃୱା? ଆଲୋପେ ହିହିଡ଼ୋଗା। ଆପ୍ଙ୍ଗିର୍ ତାନ୍କୋ, ମୂର୍ତିପୂଜାତାନ୍ କୋ, ଏଟାଃ କୋୱାଃ କୁଡ଼ି କୋଲୋଃ ଆପ୍ଙ୍ଗିର୍ ତାନ୍କୋ, ହୋଡ଼ମୋ ରାଃ ଶିତୃ ସାନାଙ୍ଗ୍ କେ ପୁରାତାନ୍ କୋ, କଡ଼ାକୋ କଡ଼ା କୋଲୋଃ ଏତ୍କାନ୍ କାମି ରିକାତାନ୍କୋ, 10 କୁମ୍ଡ଼ୁ କୋ, ହାୟାତାନ୍ କୋ, ବୁଲୋଃ ହୋଡ଼ୋକୋ, ଏପ୍ଗେର୍ ହୋଡ଼ୋକୋ, ଏଟାଃକୋକେ ହିହିଡ଼୍ ତାନ୍କୋ ପାର୍ମେଶ୍ଵାର୍ ରାଃ ରାଇଜ୍ ରାଃ ଆଧିକାରୀ କାକୋ ହୋବାଅଃୱା। 11 ହାର୍ ଆପେ ଏତେ ଚିମିନାଙ୍ଗ୍ କୋ ଏନ୍ଲେକା ତାଇକେନାପେ, ମେନ୍ଦୋ ଆପେ ପ୍ରାଭୁ ୟୀଶୁ ମାସୀହ୍ ଆଃ ନୁତୁମ୍ ରେ ଆଡୋଃ ଆବୁୱାଃ ପାର୍ମେଶ୍ଵାର୍ ରାଃ ଆତ୍ମା ତେ ଚାପିଜାନାପେ ହାର୍ ପାବିତାର୍ ବାଇଜାନାପେ ଆଡୋଃ ଧାର୍ମୀ ହୋବାଜାନାପେ। ହୋଡ଼ମୋ ପାର୍ମେଶ୍ଵାର୍ ରାଃ ମାନାରାଙ୍ଗ୍ ଲାଗିନ୍ତେ 12 ସବେନାଃ ଇଙ୍ଗ୍ ରିକା ଧାଡ଼ିୟା, ମେନ୍ଦୋ ସବେନ୍ ଜିନିଷ୍ ଇଙ୍ଗ୍ଆଃ ଲାଭ ନାଙ୍ଗ୍ ନାହାଲା; ସବେନାଃ ଇଙ୍ଗ୍ ରିକା ଧାଡ଼ିୟା, ମେନ୍ଦୋ ଇଙ୍ଗ୍ ଜାହାନାଃ ରାଃ ଦାସୀ କାଇଙ୍ଗ୍ ହୋବାଃୱା। 13 ଯୋଜୋମାଃ ଲାହେଃ ଲାଗିନ୍, ହାର୍ ଲାହେଃ ଯୋଜୋମାଃ ଲାଗିନ୍ ତାନାଃ, ମେନ୍ଦୋ ପାର୍ମେଶ୍ଵାର୍ ନେୟାକେ ହାର୍ ଏନାକେ, ବାରାନାଃକେ ନାଷ୍ଟ୍ ୟାଏ। ମେନ୍ଦୋ ହୋଡ଼ମୋ ଆପ୍ଙ୍ଗିର୍ ଲାଗିନ୍ତେ ନାହାଲା, ପ୍ରାଭୁ ଲାଗିନ୍ତେ ତାନାଃ, ଆଡୋଃ ପ୍ରାଭୁ ହୋଡ଼ମୋ ଲାଗିନ୍ତେ ତାନିଃ। 14 ପାର୍ମେଶ୍ଵାର୍ ଆଜାଃ ପେଡ଼େଏ ତେ ପ୍ରାଭୁ କେ ଜୀବିରିଃ କିଜାଏ, ହାର୍ ଆବୁକେ ହଗି ଜୀବିରିଃ ବୁୱାଏ। 15 ଚିନାଃ ଆପେ କାପେ ସାରିୟା ଚି ଆପେୟାଃ ହୋଡ଼ମୋ ମାସୀହ୍ ରାଃ ହାନାଟିଙ୍ଗ୍ ତାନାଃ? ଏଣ୍ଡେ ଚିନାଃ ଇଙ୍ଗ୍ ମାସୀହ୍ ରାଃ ହୋଡ଼ମୋ ଇଦିକେତେ ଏନାକେ ବେଶ୍ୟା ଲୋଃ ମେଶା ୱାଇଙ୍ଗ୍? ଚିଉଲା ହ କାହା। 16 ଚିନାଃ ଆପେ କାପେ ସାରିୟା, ଚି ଅକଏ ବେଶ୍ୟା ଲୋଃ ମେଶାଅଃ ତାନାଏ, ଇନିଃ ଇନିଜାଃ ଲୋଃ ମିୟାଃ ହୋଡ଼ମୋ ହୋବାକୋଃ ତାନାଏ? ଚିୟାଃଚି ପାବିତାର୍ ପୁଥି ରେ ଅଲାକାନା: “ଇନ୍କୁ ବାରାନ୍ କିନ୍ ମିୟାଃ ହୋଡ଼ମୋ ହୋବାଅଃୱାକିନ୍।” 17 ହାର୍ ଅକଏ ପ୍ରାଭୁ ଲୋଃ ମେଶା କେତେ ତାଇନ୍ ତାନାଏ, ଇନିଃ-ଇନିଜାଃ ଲୋଃ ମିୟାଃ ଆତ୍ମା ହୋବାକେନୋଗାଏ। 18 ବ୍ୟାଭିଚାର୍ କାମି ତେ ନିରେପେ। ଚିମିନ୍ ଗି ଏଟାଃ ପାପ୍ ହୋଡ଼ ରିକା ତାନାଏ ଏନା ହୋଡ଼ମୋ ରାଃ ବାହ୍ରେ ମେନାଃ, ମେନ୍ଦୋ ବ୍ୟାଭିଚାର୍ ରିକାନିଃ ଆଜାଃଗି ହୋଡ଼ମୋ ରାଃ ବିରୁଦ୍ଧ୍ ପାପ୍ ତାନାଏ। 19 ଚିନାଃ ଆପେ କାପେ ସାରିୟା ଚି ଆପେୟାଃ ହୋଡ଼ମୋ ପାବିତାର୍ ଆତ୍ମା ରାଃ ମାନ୍ଦିର୍ ତାନାଃ, ଅକନିଃ ଆପେୟାଃ ରେ ତାଇନ୍ ତାନାଏ ହାର୍ ଆପେକେ ପାର୍ମେଶ୍ଵାର୍ ପାଡ଼େତେ ନାମ୍ କାନାଏ; ଆଡୋଃ ଆପେ ଆପେୟାଃ ନାହାଲାପେ? 20 ଚିୟାଃଚି ଗୋନୋଙ୍ଗ୍ ଏମ୍ କେତେ କିରିଙ୍ଗା କାନାପେ, ଏନାମେନ୍ତେ ଆପାନାଃ ହୋଡ଼ମୋ ରାଃ ହୋରାତେ ପାର୍ମେଶ୍ଵାର୍ ରାଃ ମାନାରାଙ୍ଗ୍ ରିକାଏପେ। |
Munda (ମୁଣ୍ଡା) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation