GWAY GI IDAWUU’D 150 - Uduk New Teatament and OT Portions

¹ Maŋi Tap̱a mo. Maŋi Arumgimis e mom piti jin ḵogu mo. Maŋi a’di e mo ma balany piti mo jin c̱a’bki dem dem mo.

² Maŋi a’di gom miin to ma dem dem piti mo. Maŋi a’di isi ki dhan miiny cam piti jin cana a’di mo.

³ Maŋi a’di ki ko ma poome/ jin dhalu me’d mo. Maŋi a’di ka dheŋdhenye/ jin ’kon ma shu/i ’kume’d mo jin buḵu ki dar ga yi’c mo dhala dheŋdhenye/ mo.

⁴ Maŋi a’di ka dheŋdhenye/ jin p̱inu ki me’d mo dhali iiyi imis mo. Maŋi a’di ka shun dheŋdhenye/ mo dhala bargum mo.

⁵ Maŋi a’di ki ko ma sahana shu e mo. Maŋi a’di ki ’kal ’kal ki ko ma sahana shu e mo jin tirkunu mo.

⁶ Dhalka ris to ’baar mo kun shi/irrkin mo maŋi Tap̱a mo. Maŋi Tap̱a mo.