GWAY GI IDAWUU’D 120 - Uduk New Teatament and OT Portions

Gway jin yuḵu mmo/ii ka gagamis mo.

¹ E mo ma c̱is mo tani aha/ gwokina ’twa/i Tap̱a mo, ki a’di midi ’taki thoḵ aha/ ’twa/ mo.

² ’Cuḵi aha/ mo, ayy Tap̱a, ’peni ’twa/ pem jin ta’da ṯor mo, dhali ’pena le’d pem jin he’kki’da he’k e mo.

³ Ata a’di iminu c̱i /e mo? Dhali tonta a’di iminu mii gom /e mo, /e jin tana le’d jin he’kki’da he’k e mo?

⁴ Athop̱a/ jin kaaka jin ḵala wathi/ ma mee nyaḵka ’cila’th o’d jin shwa’d ki bar bar mo ’peni cwa jin wana e ka shilgwalish mo.

⁵ Wayyi e aha/ ki aha/ yakina yanyc̱a/ e Pam Maashik mo, ki aha/ c̱a’bkina e bwaman gu’b burrinye/ ma Gidar mo.

⁶ Ki rash rash mo tani aha/ c̱a’bkina e bwaman uni gwansan kun shi/ki moŋḵu’th isi e mo.

⁷ Aha/ tana gom moŋḵu’th is mo, hili ki aha/ okina gwo mo tani uni ŋap̱kina nyor mo.