GWAY GI IDAWUU’D 113 - Uduk New Teatament and OT Portions

¹ Maŋi Tap̱a mo. Maŋi amaŋ mo, ayy um c̱iŋkina/ gi Tap̱a mo, maŋi gway gi Tap̱a mo.

² Mom’bor mii midi di mo gom gway gi Tap̱a mo ’pena tee yansan mo dhali ki sule/ sule/ mo dhali ki sule/ sule/ mo.

³ ’Peni mo jin sul ma tente/ mo tani dhali mo jin yula a’di mo tani gway gi Tap̱a a’di iminu maŋ mo.

⁴ Tap̱a a’di iḵa’damaḵa’dam ap̱owa ris kal gi ’kwaniny’cesh mo, dhali monycam piti a’di diki’da p̱o/ momis mo.

⁵ Kaja a’di iwakina e ki Tap̱a Arumgimis bana mo, a’di jin c̱a’bki’d e mo jin ḵa’dama/ ḵa’dam mo,

⁶ a’di jin hilki mo ka luŋgu’b ’pena p̱o/ momis mo dhali mony’cesh mo?

⁷ A’di ki ’de’k ’kwani kun hatha’ko’d ki ha’th ’peni bu’da’cesh mo dhali a’di ki ’de’k uni kun mini mii ta gi to mo ’pena duhal ’piny mo,

⁸ mmodhu uni mmonyaḵ ’ko ki iya/ gi imaliḵ mo, dhali nyaḵki iya/ gi imaliḵ gi ’kwanim piti mo.

⁹ A’di ki c̱iya ’boma burum pa mo mmoc̱a’b mo, mmokara yim mmo’kuny bwa ki ’kuny jin shiyi’d mo me’d kum gi uc̱i mo. Maŋi Tap̱a mo.