GWAY GI IDAWUU’D 110 - Uduk New Teatament and OT Portions

Gway ma Dawuu’d.

¹ Tap̱a ki o tap̱am pem gwo mo ki: C̱a’bi /e aha/ ki me’da bim poros pem mo ma ntagi aha/ mina dhu uni gun ta ’kup̱ ki /e mmota cwa jin mina /e dhu sho’k mo.

² Tap̱a ki hash ’pena Sihyuun cwa ma maliḵ pini jin ta gi mo ma dem dem mo. Jiyiya ji e bwaman ’kwani kun ta ’kup̱ pini mo.

³ ’Kwanim pini mini c̱i is buni ’baḵany mo ka tee jin mina /e susa waambuhany pini ap̱o/ ’kuwosh kun turatur kun ḵogu mo. ’Peni bwa ma dho’th gi mon’thamo/ mo tani dhuru’c pini jin tana /e midi p̱u’du/ i /e me’d jap̱e/ mo be.

⁴ Tap̱a thulki gwo me’da p̱o/ mo dhali a’di midi diki aḵ bwam piti e mo: /E tana gasiis ki sule/ sule/ mo mmobaṯẖa cuḵ ma Malkisaadag isho’k mo be.

⁵ Tap̱a a’di diki’d ki me’da bim poros pini mo be. A’di midi shaṯ imaliḵ ka ’cesh mo ka tee ma nyor piti mo.

⁶ A’di midi tor gwon dwall ’twa/a ’cesh e bwaman kal gi ’kwaniny’cesh mo, mmo’tu’d uni ki buŋgwar is jwa mo. A’di midi shaṯ itap̱a ka ’cesh mo ap̱o/ mony’cesh jin beeyabee mo.

⁷ A’di midi p̱i ’peni jis yi’de/ jin kasha e jin di’di shemen bway mo. Wakan a’di midi ’de’k ’kup̱ piti ki mis mo be.