Nehemaya 7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

Nehemaya vwẹ Isun mu vwi Jerusalẹm

¹ Asakiephana rẹ vwo fi igbẹhẹ na nu re, me rha vwo ghwẹ ẹchẹ phihọ nu, re me rha vwọ reyọ ẹrhẹrẹchẹ, vẹ eboine otu rẹ ihwo ri Livae vwo mu nu,

² me da vwẹ omoni mẹ Hanani kugbe Hananiah rẹ osun na vwo mu ne e vwẹ ẹro te Jerusalẹm, kidie ohwo esiri kugbe ohwo rọ djẹ oshọ rẹ Ọghẹnẹ nọ ihwo buebu.

³ Me da ta ke ayen, We je rhie ẹchẹ rẹ ughere ri Jerusalẹm na bẹsiẹ rẹ ọnre vwọ varhe-e; Vwẹ ọke rẹ ayen da rhere e jẹ ayen huhu ẹchẹ na rere ayen vwẹ ogbẹn vio. Vwe idigbu mu vwẹ usun rẹ ihwo ri Jerusalẹm na kuohwo kuasan rọ da rhere kuọhwo kuwevwi rọye hirharọ ku.

⁴ Orere na epha hẹhẹre wranran rhuarho, ẹkẹvuọvo ihwo re dia evun rọye epha hanhanvwe ya jẹ bọn iwẹvwi buebu phihọ-ọ.

Edẹ rẹ Ihwo ri rhivwi nẹ Imu rhe

⁵ Ọghẹnẹ de phi iroro nana phihọ udu mẹ, ni mi re se ihwo na koko ehọnvwọnre vẹ iruiruo na kugbe ihwo na ejobi rere e si ayen uvwiuvwiẹ, mẹ da mrẹ ọbe rẹ uvwiẹ rẹ ihwo rẹsosuọ re ka rhe, me da mrẹ obo re si phihọ.

⁶ Enana kọye ihwo rẹ ekogho na ri ne imu rhe vwe usun rẹ ihwo ri Nẹbukadreza ovie ri Babilọn muru, ayen de rhivwi rhe Jerusalẹm vi Juda, dohwo dorho rọye.

⁷ Ayen vi Zerubabel re gba yan usun rhe, ti Joshua, Nehemayah, Azarayah, Ramyah, Nahamani, Modika, Bilshan, Misperet, Bigvai, Nehum, Banah. Unu rẹ ihwo re Izrẹl kena.

⁸ Emọ ri Parọsh, uriọri ivẹ gbẹ ujori kugbe ujorha ihwivẹ.

⁹ Emọ ri Shefatayah, ujori erha gbẹ ujorha gbẹ ihwivẹ.

¹⁰ Emọ re Arah, ujori esan gbẹ ujuvẹ gbẹ ihwivẹ.

¹¹ Emọ ri Pohatmoab, kọye emọ ri Jẹshun kugbe Joab, uriori ivẹ kugbe ujori ẹrenren gbẹ ihwe gbẹ ẹrenre.

¹² Emọ rẹ Elam, uriori kugbe ujori ivẹ gbẹ ujuvẹ gbẹ ihwẹne.

¹³ Emọ ri Zattu, ujori ẹrenre gbẹ ujuvẹ gbẹ iyori.

¹⁴ Emọ ri Zakai, ujori ighwrẹ gbẹ ujorha.

¹⁵ Emọ re Binnui, ujori esan gbẹ ujuvẹ gbẹ ẹrenre.

¹⁶ Emọ ri Babai, ujori esan gbẹ uje gbẹ ẹrenre.

¹⁷ Emọ rẹ Azgad, uriori ivẹ kugbe ujori erha gbẹ uje gbẹ ivẹ.

¹⁸ Emọ rẹ Adonikam, ujori esan gbẹ ujorha gbẹ ighwrẹ

¹⁹ Emọ re Bigvai, uriori ive gbẹ ujorha gbẹ ighwrẹ.

²⁰ Emọ re Adin, ujori esan gbẹ ujuvẹ gbẹ ihwiori.

²¹ Emọ re Ata, kọye Hezikayah, ujọne gbẹ ihwe gbẹ ẹrenre.

²² Emọ re Rashum, ujori erha gbẹ uje gbẹ ẹrenre.

²³ Emọ ri Bezai, ujori erha gbẹ uje gbẹ ẹne.

²⁴ Emọ re Harif, ujori gbẹ ihwivẹ.

²⁵ Emọ ri Gibeọn, ujọne gbẹ ihwiori.

²⁶ Ihwo ri Bẹtlẹhẹm vi Netofah, ujori gbẹ ujọne gbẹ ẹrenre.

²⁷ Ihwo rẹ Anatọt ujori gbẹ uje gbẹ erẹnre.

²⁸ Ihwo ri Betazmavet, ujuvẹ gbẹ ivẹ.

²⁹ Ihwo rẹ Kiriatjearim Kefira vẹ Beerot, ujori ighwrẹ gbẹ ujuvẹ gbẹ erha.

³⁰ Ihwo rẹ Ramah vi Geba, ujori esan vẹ uje gbẹ ọvo.

³¹ Ihwo ri Mikmas, ujori gbe uje gbẹ ivẹ.

³² Ihwo ri Bẹtẹl vẹ Ai, ujori gbẹ uje gbẹ erha.

³³ Ihwo efa ri Nebo, ujuvẹ gbẹ ihwivẹ.

³⁴ Emọ efa rẹ Elam, uriori gbẹ ujori ivẹ kugbe ujuvẹ gbẹ ihwẹne.

³⁵ Emọ ri Harim ujori erha gbẹ uje.

³⁶ Emọ ri Jeriko, ujori erha gbẹ ujuvẹ gbẹ iyori.

³⁷ Emọ ri Lọd, Hadid vẹ Ono, ujori ighwrẹ vẹ uje gbẹ ọvo.

³⁸ Emọ ri Senaah, uriori erha gbẹ ujori irhiri gbẹ ọgban.

³⁹ Irherẹn na. emọ ri Jedayah, kọye uwevwi ri Jeshua, da dia ujori irhirin gbẹ ujorha gbẹ ihwerha.

⁴⁰ Emọ rẹ Immer, uriori gbẹ ujuvẹ gbẹ ihwivẹ.

⁴¹ Emọ ri Pashur, uriori gbẹ ujori ivẹ gbẹ ujuvẹ gbẹ ighwrẹ.

⁴² Emọ ri Harim, uriori gbẹ ihwe gbẹ ighwrẹ.

⁴³ Emọ ri Livae emọ ri Jeshua, kọye Kadmiẹl re emọ rẹ Hodevah, da dia ujorha gbẹ ihwẹne.

⁴⁴ Isuine: Emọ re Asaph ujori gbẹ ujuvẹ gbẹ ẹrenre.

⁴⁵ Erhẹrẹche: Emọ ri Shallum, emọ re Ater, emọ ri Talmọn, emọ re Akub, emọ ri Hatita, emọ ri Shobai, ujori gbẹ ọgban gbẹ ẹrenre.

⁴⁶ Idibo rẹ uwevwi re ẹga emọ ri Ziba, emọ ri Hasufa, emọ ri Tabaọt,

⁴⁷ emọ ri Keros, emọ ri Sia, emọ ri Padọn,

⁴⁸ emọ ri Lebana, emọ ri Hagaba, emọ ri Shalmai,

⁴⁹ emọ ri Hanan, emọ ri Giddẹl, emọ ri Gahar,

⁵⁰ emọ ri Re-ayah, emọ ri Rezin, emọ ri Nekoda,

⁵¹ emọ ri Gazzam, emọ ri Uzza, emọ ri Paseah,

⁵² emọ ri Besai, emọ ri Meunim, emọ ri Nefushesim,

⁵³ emọ ri Bakbuk, emọ ri Hakufa, emọ ri Harhur,

⁵⁴ emọ ri Bazlit, emọ ri Mehida, emọ ri Harsha,

⁵⁵ emọ ri Barkos, emọ ri Sisera, emọ ri Temah,

⁵⁶ emọ ri Neziah, emọ ri Hatifa.

⁵⁷ Emọ re idibo ri Solomọn emọ ri Sotai, emọ ri Soferet, emọ ri Perida,

⁵⁸ emọ ri Jaala, emọ ri Darkon, emọ ri Giddel,

⁵⁹ emọ ri Shefatiah, emọ ri Hattil, emọ ri Pokeret-hazzebaim, emọ ri Amọn.

⁶⁰ Idibo re uwevwi rẹ ẹga na ejobi kugbe emọ re idibo ri Solomọn da dia ujori erha gbẹ ujọne gbẹ ihwivẹ

⁶¹ Enana ihwo ri ne Telmelah rhe, Telharsha, Chẹrub, Addon, kugbe Immer, ẹkẹvuọvo ayen gbi se vughe uwevwi re esẹ raye-en eyẹ uvwiẹ raye-en, se ayen tobọ ihwo re Izrẹl a riẹnre-e.

⁶² emọ ri Delayah, emọ ri Tobiah, emọ ri Nekoda, ujori esan gbẹ ujuvẹ gbẹ ivẹ.

⁶³ Ji te irherẹn na rhe emọ rẹ Hobayah, emọ ri Hakkoz, emọ ri Barzillai (re reyọ aye vwe usun rẹ emetẹ ri Barzilli rẹ ohwo ri Gilead ayen de mu odẹ rayen ke).

⁶⁴ Enana da guọnọ ne e si ode rayen phihọ ẹbe rẹ uvwiẹ vwe evun rẹ orua na, ẹkẹvuọvo a mrẹ ayen vwẹ etiyi-in, kọye e de si ayen nẹ ohri re irherẹn na fiki ri jẹfuọn,

⁶⁵ osun na da ta ke ayen nẹ ayen ria emu rọ ma fon na-a bẹsiẹ ra mrẹ orherẹn ro gba Utẹ vẹ Agbragha. Ibi rẹ iwe.

⁶⁶ Ọghwẹgbe rẹ ihwo na ejobi da dia uriori ujuvẹ gbẹ ivẹ kugbe ujori erha gbẹ ujorha,

⁶⁷ je idibo rayen re emeshare vẹ emetẹ barọ-ọ, uriori ighwrẹ kugbe ujori erha gbẹ ọgban gbẹ ighwrẹ, ayen de vwo Isuine ujori ive kugbe ujuvẹ gbẹ iyori, eshare kugbe eya.

⁶⁸ Iyesi rayen da dia ujori ighwrẹ kugbe ọgban gbẹ esan, imelu rayen ujori ivẹ kugbe ujuvẹ gbẹ iyori,

⁶⁹ kamẹl rayen da dia ujori ẹne kugbe ọgban gbẹ iyori, ekẹtẹkẹtẹ rayen uriori esan kugbe ujori ighwrẹ gbẹ uje.

⁷⁰ Igbuyovwi rẹ uwevwi rẹ esẹ na da vwẹ erọvwọ kẹ iruo na Osun na ke darik rẹ oro uriori ghwẹ phihọ uwevwi rẹ efe na, kugbe ize ọgban, iwun rẹ irherẹn ujori iyori kugbe ọgban.

⁷¹ Ẹvo vwe igbuyovwi rẹ uwevwi re esẹ na da ghwẹ darik rẹ oro ro bu te uriori ivẹ kugbe ovwanvwọn rẹ idọnọ ujori ivẹ.

⁷² Obo rẹ ihwo ri chekọ kẹrẹ da dia darik rẹ oro uriori uje gbẹ ivẹ, ovwanvwọn rẹ idọnọ uriori ive kugbe iwun rẹ irherẹn ujorha gbẹ ighwrẹ.

⁷³ Ọtiọye kọye irherẹn na, ihwo ri Livae na, erhẹrẹchẹ na, isuine na, ẹvo vwẹ ihwo na, idibo rẹ uwevwi rẹ ẹga na, kugbe Izrẹl ejobi, da dia irho rayen. Ọke rẹ emeravwe ighwrẹ vwo te, yen emọ rẹ Izrẹl hẹ dohwo dorere rayen re.