Matiu 1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

Orua ri Jesu Kristi

¹ Ọbe rẹ orua rẹ Jesu Kristi, ọmọ rẹ Devid; ọmọ rẹ Ebraham.

² Ebraham de vwiẹ Aizik, Aizik de vwiẹ Jekọp, Jekọp de vwiẹ Juda kugbe imoni rọye,

³ Juda kọye ọsẹ ri Pẹrẹz kugbe Zera ri Tama vwiẹri, Pẹrẹz kọye ọsẹ ri Hẹzrọn, Hẹzrọn kọye ọsẹ ri Ram,

⁴ Ram kọye ọsẹ rẹ Aminadab, Aminadab kọye ọse ri Nahshọn, Nahshọn kọye ọsẹ ri Salmọn.

⁵ Salmọn kọye ọsẹ rẹ Boaz ri Rehab vwieri, Boaz kọye ọsẹ rẹ Obẹd rẹ Rutu vwiẹri, Obẹd kọye ọsẹ rẹ Jesse,

⁶ Jesse kọye ọsẹ rẹ Devid rẹ ovie. Devid kọye rha ọsẹ rẹ Solomọn rẹ aye rẹ Uraiya vwiẹ kẹ.

⁷ Solomọn kọye ọsẹ ri Rẹhoboam, Rẹhoboam kọye ọsẹ ri Ahija, Ahija kọye ọsẹ rẹ Asa,

⁸ Asa kọye ọsẹ ri Jehoshafat, Jehoshafat kọye ọsẹ ri Joram, Joram kọye ọsẹ rẹ Uzaiya,

⁹ Uzaiya kọye ọsẹ ri Jotam, Jotam kọye ọsẹ rẹ Ahaz, Ahaz kọye ọsẹ ri Hẹzikaya,

¹⁰ Hẹzikaya kọye ọsẹ ri Manase, Manase kọye ọsẹ rẹ Emọs, Emọs kọye ọsẹ ri Josaya,

¹¹ Josaya kọye ọsẹ ri Jekonaya kugbe imọni rọye, vwẹ ọke rẹ vwo mu ayen kpo imu vwi Babilọn.

¹² Re rhi vwo mu ayen kpo imu vwi Babilọn nu, Jekonaya ọsẹ ri Shitiẹl, Shitiẹl kọye ọsẹ ri Zerubabẹl,

¹³ Zerubabẹl kọye ọsẹ rẹ Ahiud, Ahiud kọye ọsẹ rẹ Eliakim, Eliakim kọye ọsẹ Azọ,

¹⁴ Azọ kọye ọsẹ ri Zadọk, Zadọk kọye ọsẹ rẹ Akim, Akim kọye ọsẹ rẹ Ẹliud,

¹⁵ Ẹliud kọye ọsẹ rẹ Eleaza, Eleaza kọye ọsẹ ri Matan, Matan kọye ọsẹ ri Jekọp,

¹⁶ Jekọp kọye ọsẹ ri Josẹf rẹ ọshare ri Meri, ro vwiẹ Jesu, re se Kristi.

Evwiẹ ri Jesu Kristi

¹⁷ Ọtiọye na orua na ejobi nẹ Ebraham rhe ri te ọke ri Devid da dia ihwe-ẹne. Nẹ ọke ri Devid rhe ri te ọke rẹ emuo kpo Babilọn da dia orua ihwe-ẹne. Nẹ ọke rẹ emuo kpo Babilọn rhi te ọke ri Kristi da dia orua ihwe-ẹnẹ.

¹⁸ Asakiephana enẹ e vwiẹ Kristi wan. Ọke ri Josẹf vwọ sa Meri rẹ oni ri Jesu phihọ otọ, yẹ ayen je rhe mroma-a, Meri da rhe mrevun rẹ Erhi Ọfuanfon;

¹⁹ Josẹf rẹ oshare rọye na, da dia omamọ rẹ ohwo, ọ gbe guọnọ phọphọ-ọ, ẹkẹvuọvo ọ da guọnọ nẹ ọye bẹbẹ siobọ no.

²⁰ Ọke rọ vwọ jẹ iroro na, nighe amakashe rẹ Ọrovwohwo de bro rhe vwẹ evwerhẹ, ọ da ta kẹ, Josẹf rẹ ọmọ ri Devid, wọ djẹ oshọ-ọ, ra reyọ Meri rẹ aye wẹ na, kidie evun rọ mrẹre na ọ rẹ Erhi Ọfuanfon.

²¹ O che vwiẹ ọmọ ku wo se odẹ rọye Jesu, fikiridie ọye che sivwi ihwo rọye nẹ umwemwu.

²² Enana ejobi rhe phia, rere emu na ejobi vwọ gba, rẹ Ọrovwohwo wan unu rẹ emraro rọye ta:

²³ Nighe, ọmọtobẹ cha mrevun, ko vwiẹ ọmọshare, ke se odẹ rọye Immanuẹl, otọ rọye Ọghẹnẹ vẹ avwanre herọ.

²⁴ Josẹf de gbune rhọvwo, o de ru kirobo rẹ amakashe rẹ Ọrovwohwo ta kẹ, ọ da reyọ aye rọye kpo.

²⁵ Ayen ivẹ na mroma tavwe re ki vwiẹ ọmọ na-a; o de se odẹ roye Jesu.