Joshua 15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

Ubrotọ ra vwọ kẹ Juda

¹ Ute rẹ orua rẹ ihwo ri Juda kirobo rẹ ekru rayen epha vwẹ abọ rẹ obọrhe ọnre re te ughwru rẹ Ẹdọm, re te aghwa ri Zin rọ obo oba rẹ obọrhe ọnre.

² Ughwru rayen vwẹ obọrhe ọnre re te oba rẹ Abadi re Ughweraka, vwẹ asan avware ro hirhe aro ku obọrhe ọnre;

³ o de nene obọrhe ọnre re te asan re de yere kpọ Akrabbim, ra wan etiyin vrẹn re te Zin, ọ de nẹ etiyin yanran re te obenu ri Kadesh-barnea, ra wan oma ri Hẹzrọn, re te Addar, o de kurhẹriẹ kpo Karka,

⁴ ọ da wanvrẹn re te Azmọn, re duvwu fi ẹtẹrhe rẹ Ijipt, re te obo oba rọye vwẹ obo abadi na.

⁵ Ughwru rọ obaro ọnre da dia Abadi rẹ Ughweraka, re te unu ri Jọdan Ughwru rọ obọhwẹre ọnre da dje nene ọyena re te avware rẹ abadi vwẹ unu ri Jọdan;

⁶ ughwru na de mu kpenu re te Betọglah, o de yeri kpenu re te Betaraba; ughwru na de kpenu re te ubioragha ri Bohan re ọmọ ri Rubẹn,

⁷ ughwru na de rhe mu re te Deba nẹ Iyara rẹ Akor, rọ ghwoma obọhwẹre ọnre, o de rhe gunu re te Gilgal, ro hirhe aro ku asan eyere kpenu re Adummim, rọ abọ obọrhe ọnre re Iyara na; ughwru na de rhe nene re te asan ame rẹ En-shemesh, re te oba vwẹ En-rogel;

⁸ ughwru na da rha wan oma rẹ iyara rẹ ọmọ ri Hinnọm vwẹ asan eghwabọ ri Jebu (ọye Jerusalẹm), ughwru na da wan kpo obenu rẹ ugbenu rẹ abọ oboyi re iyara ri Hinnọm, vwẹ obuko ọnre, vwẹ oba rẹ obọhwẹre ọnre vwẹ iyara ri Rifaim;

⁹ etiyin ughwru na de rhe mu nẹ enu rẹ ugbenu na re te ogbugbu rẹ Ame ri Neftoah, nẹ etiyin re te irere rẹ Ugbenu rẹ Efrọn, etiyin ughwru na de rhe gunu re te Baalah (kọye Kiriatjearim),

¹⁰ ughwru na de rhe kiriariẹ obuko ọnre vwi Baalah re te Ugbenu ri Seir, ọ da wanvrẹn re te obọhwẹre ọnre vwẹ eghwabọ rẹ Ugbenu ri Jearim (kọye Kesalon), ọ da wan kpo Bẹtshẹmẹsh, ra wan oma ri Timnah;

¹¹ ughwru na de rhe duvwu rhue vwẹ asan eghwabọ re ugbenu rẹ Ekron, ughwru na de rhe gunu re te Shikkerọn, re te ugbenu ri Baalah, re duvwu rhue vwi Jahneel; ughwru na de rhi vwo oba vwẹ obo abadi na.

¹² Ughwru ro obuko ọnre na kẹ Abadi Rode na vẹ erhuru rọye. Ọnana kọye ughwru rọ yariẹ ihwo ri Juda phihọ kirobo rẹ ekru rayen epha.

Kaleb phi Hẹbrọn kugbe Dẹbar Kua

¹³ Kirobo rẹ urhi rẹ Ọrovwohwo ji kẹ Joshua epha ọ da kẹ Kalẹb re ọmọ ri Jefunneh ẹkẹn vwẹ ohri rẹ ihwo ri Judah, Kiriatarba, koye, Hebrọn (Arba kọye ọsẹ rẹ Anak).

¹⁴ Kalẹb da djẹ emọ erha rẹ Anak no, Sheshai kugbe Ahiman kugbe Talmai, uvwiẹ re Anak.

¹⁵ O de vrẹn nẹ etiyin ra vwọ so ihwo re dia Dẹba; asakiephana odẹ re se Dẹba jovwo ki Kiriatsefa.

¹⁶ Kalẹb da ta, Kohwo kohwo ro se phi Kiriatsefa, rọ da reyọ, ke me vwẹ ọmọtẹ mẹ Akhsah vwọ kẹ rọvwọ.

¹⁷ Etiyin Otniel ọmọ ri Kenaz, oniọvo ri Kalẹb, da reyọ; ọ da vwẹ ọmọtẹ rọye Akhsah vwọ kẹ rọvwo.

¹⁸ Ọke ro vwo bro rhe o de kpokpo nẹ ọ nọ ekpẹn rẹ ọgọ vwẹ obọ re ọsẹ rọye, o de wotọ nẹ ekẹtẹkẹtẹ rọye rhe, Kalẹb da ta kẹ, Die wọ guọnọre?

¹⁹ O da ta kẹ, Ru ẹse kẹ vwe, fikiridie ubrakpọ ri Negeb wo phi vwe phihọ, ke vwẹ ọgbugbu rẹ ame. Kalẹb da vwẹ ọgbugbu rẹ obotọ vẹ obenu vwọ kẹ.

Irere ri Juda

²⁰ Ọnana kọye ukuẹriọ rẹ orua rẹ ihwo ri Juda kirobo rẹ ekru rayen epha.

²¹ Irere ri te orua re ihwo ri Juda vwe oba rẹ obọrhe ọnre, rọ kpo obo ughwru rẹ Edọm, da dia Kabzeel, Eda, Jagọ,

²² Kinah, Dimonah, Adada,

²³ Kedesh, Hazọr, Itnan,

²⁴ Zif, Telẹm, Bealọt,

²⁵ Hazọr-hadattah, Keriọt-hezrọn (koye Hazọ),

²⁶ Amam, Shema, Molada,

²⁷ Hazar-gadda, Hẹshmọn, Bet-peler,

²⁸ Hazai-shual, Beersheba, Biziotia,

²⁹ Baalah, Iim, Ezem,

³⁰ Eltolad, Kesil, Hormah,

³¹ Ziklag, Madmannah, San-sanna,

³² Lebaot, Shilhim, Ain, kugbe Rimmọn ayen ejobi, irere uje gbe irhiri, vẹ eko rayen.

³³ Vwẹ obo ushekpotọ na, Eshtaol, Zorah, Ashnah,

³⁴ Zanoa, Engannim, Tappuah, Enam,

³⁵ Jarmut, Aduham, Sokọ, Azekah,

³⁶ Shaaraim, Aditaim, Gedera, Gederotaim, irere ihwẹne vẹ eko rayen.

³⁷ Zenan, Hadasha, Migdal-gad,

³⁸ Dilean, Mizpeh, Jokteel,

³⁹ Lakish, Bozkat, Eglọn,

⁴⁰ Kabbọn, Lahmam, Kitlish,

⁴¹ Gederọt, Betolagọn, Namah, kugbe Makkedah; irere ihwe gbẹ esan vẹ ekọ rayen.

⁴² Libnah, Eta, Ashan,

⁴³ Iftah, Ashnah, Nezib,

⁴⁴ Keilah, Akzib, kugbe Nareshah: irere irhiri vẹ eko rayen.

⁴⁵ Ekrọn, vẹ irho rọye vẹ eko rayen,

⁴⁶ nẹ Ekrọn re te obo abadi na, obo oma rẹ Ashdod, vẹ eko rayen ejobi.

⁴⁷ Ashdod, irho rọye vẹ eko rọye, Gaza, irho rọye vẹ eko rọye, re te eterhẹ rẹ Ijipt, vẹ abadi rode na vẹ erhuru rọye.

⁴⁸ Vwẹ obo orho rẹ ugbenu na, Shama, Jattip, Sokọ,

⁴⁹ Dannah, Kiriatsanna (kọye, Deba),

⁵⁰ Arab, Eshtemo, Anab, Eshtemo, Anim,

⁵¹ Goshẹn, Holọn, kugbe Giloh, irere ihwọvo vẹ eko rayen.

⁵² Arab, Dumah, Eshan,

⁵³ Jamim, Bet-tappuah, Afekah,

⁵⁴ Humtah, Kiriatarha (kọye Hebrọn), kugbe Ziọ; irere irhiri vẹ eko rayen.

⁵⁵ Maon, Karmel, Zif, Juttah,

⁵⁶ Jezreel, Jokdeam, Zanoah,

⁵⁷ Kam, Gibeah, kugbe Timna: irere ihwe vẹ eko rayen.

⁵⁸ Halhul, Bẹtzọ, Gẹdọ,

⁵⁹ Mararat, Betanọt kugbe Eltekon irere esan vẹ eko rayen.

⁶⁰ Kiriatbaal (kọye, Kiriatjearim), kugbe Rabba, irere ivẹ vẹ ekọ rayen.

⁶¹ Vwẹ obo evun rẹ aghwa na, Betarahah, Middin, Sekakah,

⁶² Hihshan, orere rẹ Ughweraka, kugbe Engedi irere esan vẹ eko rayen.

⁶³ Ẹkẹvuọvo ihwo ri Jebu, ihwo re dia Jerusalẹm, ihwo ri Juda sa djẹ ayen no-o; koye ihwo ri Jebu vẹ ihwo ri Juda da dia vwi Jerusalẹm rhi te nonẹ na.