Joshua 12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

Ivie na ri Mosis phi kua

¹ Asakiephana enana hẹ ivie rẹ otọ na, rẹ ihwo rẹ Izrẹl phi kua na, rẹ ayen da reyọ otọ rayen rẹ hẹ abọ oboyi ri Jọdan vwẹ abọ rẹ ọnre da vacha, nẹ iyara rẹ Arnọn re te Ugbenu ri Hermọn, re te obo Araba vwẹ obaro ọnre:

² Sihọn ovie rẹ ihwo rẹ Amọr rọ dia Hẹshbọn, rọ dia obo Aroer de suẹn, rọ hẹ egbẹ rẹ iyara rẹ Arnọn, ji nẹ uherevie rẹ iyara na rhiri re te urhie ri Jabọk, ughwru rẹ ihwo rẹ Ammọn, kọye ubro ri Gilead,

³ nẹ obo Araba re te Abadi ri Kinnẹrọt vwẹ obaro ọnre, vwẹ ubrakpọ ri Bẹtjẹshimọt, re te abadi re Araba, Abadi rẹ Ughweraka, vwẹ obọrhe ọnre re te esiri rẹ ọghwrọrọ ri Pisgah;

⁴ kugbe Ọg ovie ri Bashan, ọvo vwẹ imihwo ri Refaim ro chekọ, rọ dia Ashtarọt vẹ Drei

⁵ ro suẹn Ugbenu ri Hẹrmọn kugbe Salekah vi Bashan ejobi re te ughwru ri Gẹshua vẹ Maakat, vẹ ubro ri Gilead re te ughwru ri Sihọn ovie ri Hẹshbọn

⁶ Mosis, odibo rẹ Ọrovwohwo na, vẹ ihwo rẹ Izrẹl de phi ayen kua, Mosis odibo rẹ Ọrovwohwo na da vwẹ otọ rayen ghare ihwo ri Rubẹn kugbe ihwo ri Gad kugbe ubro ri Manasse ughwẹ.

Ivie na ri Johua phi kua

⁷ Enana keye ivie re hẹ otọ na ri Joshua vẹ ihwo re Izrẹl phi kua vwẹ obuko ọnre vwi Jọdan, nẹ Baalgad vwẹ iyara ri Lẹbanọn re te Ugbenu ri Halak, ro mu vwe obo Seir (Joshua da vwẹ otọ rayen kẹ orua re Izrẹl rere ọ dia ughwẹ rayen ekẹnkẹn,

⁸ vwe obo orere rẹ ugbenu na, vwe obo ushekpotọ na, vwẹ evun rẹ Araba na, te oghwrọrọ na, vwẹ evun rẹ aton na, vwẹ obo Negeb, otọ re ihwo ri Hẹt, ihwo re Amọr, ihwo ri Kenan, ihwo ri Pẹriz, ihwo ri Hiv, kugbe ihwo ri Jebu)

⁹ ovie ri Jeriko, ọvo; ovie ri Ai, rọ he oma ri Betẹ!, ọvo;

¹⁰ ovie ri Jerusalẹm ọvo, ovie ri Hebrọn, ọvo,

¹¹ ovie ri Jarmut, ọvo, ovie ri Lakish, ọvo,

¹² ovie re Eglọn, ọvo, ovie ri ezer, ọvo,

¹³ ovie ri Deba, ọvo, ovie ri Geda, ọve,

¹⁴ ovie ri Họrmah, ọvo, ovie re Arad, ọvo,

¹⁵ ovie ri Libnah ọvo, ovie re Adullam, ovo,

¹⁶ ovie ri Makkedah, ovo, ovie ri Bẹtẹl, ọvo,

¹⁷ ovie ri Tappuah, ọvo, ọvie ri Hefa, ọvo,

¹⁸ ovie rẹ Afek, ovo, ovie ri Lasharon, ọvo,

¹⁹ ovie ri Madọn, ọvo; ovie ri Hazọ, ọvo,

²⁰ ovie ri Shimronmeron, ọvo, ovie ri Akshaf, ọvo,

²¹ ovie ri Taanak, ọvo, ovie ri Mẹgido, ọvo,

²² ovie ri Kedesh, ọvo, ovie ri Jokneam vwi Karmel, ọvo,

²³ ovie ri Dọ vwi Nafatdọ, ọvo; ovie ri Goiim vwi Galili, ọvo,

²⁴ ovie ri Tirzah, ọvo, ayen ejobi ivie ọgban gbe ọvo.