Jẹnẹsis 36 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

Uvwiẹ rẹ Isọ

¹ Enana uvwiẹ rẹ Isọ (kọye Idọm).

² Isọ da reyọ emetẹ ri Kenan vwọ rọvwọ. Adah rẹ ọmọtẹ ri Elọn rẹ ohwo ri Hẹt, Oholibamah rẹ ọmọtẹ ri Anah ọmọ ri Zibeọn re ohwo ri Hiv,

³ kugbe Basʼemath, ọmọtẹ rẹ Ishmael rẹ oniọvo ri Nebaiot.

⁴ Adah de vwiẹ kẹ Isọ, Elifaz; Basʼemath de vwiẹ Roẹl;

⁵ Oholibamah de vwiẹ Jeush, Jalam, kugbe Korah. Enana keye emọ rẹ Isọ ro vwiẹri vwẹ otọ ri Kenan.

⁶ Etiyin Isọ da reyọ eya rọye, te emọ rọye rẹ emeshare vẹ emetẹ kugbe ekru rọye ejobi, uchuru rọye, te eranvwe rọye, kugbe eyere rọye ejobi ro vwori vwẹ otọ ri Kenan, ọ da kua kpo otọ ọfa ro tephe kẹ oniọvo rọye Jekọp.

⁷ Fikiridie ayen vwo eyere buebu gangan o rhe jẹn ayen yeri kugbee, otọ na sa gba aye-en kidie uchuru rayen bunọ.

⁸ Kọye Isọ da dia orere rọ enu rẹ ugbenu ri Seir; Isọ na kọye Idọm.

⁹ Enana keye uvwiẹ rẹ Isọ ọsẹ rẹ Idọm vwẹ obo orere rẹ ugbenu ri Seir.

¹⁰ Enana odẹ rẹ emọ rẹ Isọ. Elifaz rẹ ọmọ rẹ Adah rẹ aye rẹ Isọ, Roẹl rẹ ọmọ ri Basʼemath rẹ aye rẹ Isọ.

¹¹ Emọ ri Elifaz kẹ Timan, Omar, Zefo, Gatam, kugbe Kenaz.

¹² (Timna ọye ọsẹ rẹ Elifaz, ọmọ rẹ Isọ; o de vwiẹ Amalẹk kẹ Elifaz).

¹³ Enana emọ ri Roẹl: Nahath, Zerah, Shammah, kugbe Mizzah. Enana keye emọ ri Basʼemath, aye re Isọ.

¹⁴ Enana emọ rẹ Oholibamah ọmọtẹ rẹ Anah rẹ ọmọ ri Zibeọn, aye rẹ Isọ: o de vwiẹ Jeush, Jalam kugbe Korah kẹ Isọ.

¹⁵ Enana eye ilori rẹ emọ rẹ Isọ. Emọ rẹ Elifaz rẹ ọwanra rẹ Isọ: ilori na ke ena; Timan, Omar, Zefo, Kenaz,

¹⁶ Korah, Gatam, kugbe Amalẹk; enana keye ilori rẹ emọ rẹ Elifaz vwẹ otọ rẹ Idọm; keye emọ rẹ Adah.

¹⁷ Enana emọ ri Roẹl, ọmọ rẹ Isọ: ilori rọye kẹ Nahath, Zerah, Shammah, kugbe Mizzah; enana keye ilori ri Roẹl vwẹ otọ rẹ Idọm; ayen kẹ emọ ri Basʼemath, aye rẹ Isọ.

¹⁸ Enana emọ rẹ Oholibamah, aye rẹ Isọ: ilori rọye kẹ ena Jeush, Jalam, kugbe Korah, enana keye ilori rẹ Oholibamah, rẹ ọmọtẹ rẹ Anah, rẹ aye rẹ Isọ.

¹⁹ Enana eye emọ rẹ Isọ (kọye Idọm), enana keye ilori rayen.

Uvwiẹ ri Seir

²⁰ Enana emọ ri Seir ohwo ri Họr, ri yere otọ na vẹrhe: Lotan, Shobal, Zibeọn, Anah,

²¹ Dishon, Ezer, kugbe Dishan; enana ilori rẹ emọ ri Họr, rẹ emọ ri Sier vwẹ otọ rẹ Idọm.

²² Emọ ri Lotan ki Hori kugbe Heman, oniọvo rẹ ọmọtẹ ri Lotan ki Timna.

²³ Enana keye emọ ri Shobal Alvan, Manahath, Ebal, Shefo kugbe Onam.

²⁴ Enana emọ ri Zibeọn, Ajah kugbe Anah, ọye Anah rọ mrẹ ogbugbu re tuabọ vwẹ evun rẹ aton na, rọ vwọ sẹro rẹ ekẹtẹkẹtẹ ri Zibeọn rẹ ọsẹ rọye.

²⁵ Enana emọ rẹ Anah Dishon kugbe Oholibamah rẹ ọmọtẹ ri Anah.

²⁶ Enana emọ ri Dishon: Hemdan, Eshban, Ithran, kugbe Cheran.

²⁷ Enana emọ rẹ Ezer. Bilhan, Zaavan, kugbe Akan.

²⁸ Enana emọ ri Dishan Uz kugbe Aran.

²⁹ Enana keye ilori rẹ emọ ri Họr: ilori na kẹ ena Lotan, Shobal, Zibeọn, Anah,

³⁰ Dishon, Ezer, kugbe Dishan, ena keye ilori rẹ emọ ri Họr, dohwo dẹgborho rọye vwẹ otọ ri Seir.

Ivie re Edom

³¹ Enana ke rha ivie re rere vwẹ otọ rẹ Idọm, tavwe ra ke mrẹ ne ovie rere vwe Izrẹl.

³² Bẹla rẹ ọmọ ri Beor da re vwẹ Idọm, odẹ rẹ orere rọ da re ki Dinhabath.

³³ Bẹla de ghwu, Jobab rẹ ọmọ ri Zerah re ohwo ri Bozrah da re vwe asan ro nuru.

³⁴ Jobab de ghwu, Husham rẹ ohwo rẹ otọ ri Teman da re vwẹ asan ro nuru.

³⁵ Husham de ghwu, Hadad rẹ ọmọ ri Bedad, ro phi Midian kua vwẹ otọ ri Moab na, da re vwẹ asan ro nuru, odẹ rẹ orere rọye kẹ Avit.

³⁶ Hada de ghwu, Samlah ri Masreʼkah da re vwẹ asan ro nuru.

³⁷ Samlah de ghwu, Shaul ri Rehoʼboth rọ dia oma rẹ urhie ri Yufretis da re vwẹ asan ro nuru.

³⁸ Shaul de ghwu, Baal-hanan rẹ ọmọ rẹ Akbor da re vwe asan ro nuru.

³⁹ Baal-hanan rẹ ọmọ rẹ Akbor de ghwu, Hadar da re vwe asan ro nuru, odẹ rẹ orere rọye ki Pau; odẹ rẹ aye rọye ki Mẹhẹtabẹl, rẹ ọmọtẹ ri Matred, ọmọtẹ ri Mezhab.

⁴⁰ Enana keye ẹdẹ ri ilori rẹ emọ rẹ Isọ, uvwiuvwiẹ rayen kugbe irere rayen dia vẹ odẹ rayen ilori na kẹ ena: Timna, Alvah, Jetet,

⁴¹ Oholibamah, Elah, Pinon,

⁴² Kenaz, Temna, Mibzar,

⁴³ Magdiel, kugbe Iram; enana ilori re Idọm (kọye Isọ, ọsẹ rẹ Idọm), vẹ asansan rayen dia vwẹ otọ rayen kuara na.