Jẹnẹsis 10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

Uvwiẹ re Emọ ri Noa

¹ Enana ye orua rẹ emọ ri Noa, Shẹm, Ham, kugbe Jafẹt, rẹ oghwe na vwọ kpọnu ayen de rhi vwiẹ emọ.

² Emọ ri Jafẹt kẹ ena: Goma, Magog, Madai, Javan, Tubal, Mẹshẹk, Tiras.

³ Emọ ri Goma kẹ ena: Ashkenaz, Rifat, kugbe Togarma.

⁴ Emọ ri Javan Elishah, Tarshish, Kitim, kugbe Dodanim.

⁵ Oma rẹ ihwo nana kọye ihwo rẹ orhoma rẹ urhie na nurhe. Enana keye emọ ri Jafẹt vwẹ otọ rayen, dohwo depherẹ rọye, vẹ uvwiẹ rayen, vwẹ evun rẹ ẹgborho rayen.

⁶ Emọ ri Ham Kush, Ijipt, Put, kugbe Kenan

⁷ Emọ ri Kush Seba, Havilah, Sabta, Raama, kugbe Sabteka. Emọ ri Raama Sheba kugbe Dedan.

⁸ Kush kọye ọsẹ ri Nimrọd, ọye ohwo rẹ ẹsosuọ vwẹ akpọ na rọ to dia ọgban.

⁹ Ọ da dia ọgban rẹ ibefii rode vwẹ obaro rẹ Ọrovwohwo, fiki rẹ ọtiọye kọye a vwọ tanẹ, Kiri Nimrọd ọgban rẹ ibefi rode vwẹ obaro rẹ Ọrovwohwo.

¹⁰ Emuophihọ rẹ uvie rọye ki Babẹl, Erẹk kugbe Akad, enana ejobi kẹ otọ ri Shinar epha.

¹¹ Otọ yena kọye o nu kpo Asiria, ọ da ra bọ Ninivẹh, Rehobọt-Ir, Kala, kugbe

¹² Resẹn vwẹ uvwre ri Ninivẹh vi Kala, kọye orere rode na.

¹³ Ijipt, da dia ọsẹ ri Ludim, Anamim, Lehabim, Naftu-him,

¹⁴ Patrusim, Kaslu-him (kẹ Etiyin Filistia nurhe), kugbe Kaftorim.

¹⁵ Kenan kọye ọsẹ ri Sidọn, ọmọkpako rọye, kugbe Hẹt,

¹⁶ kugbe ihwo ri Jebus, ihwo ri Amọr, ihwo ri Gergas,

¹⁷ ihwo ri Hiv, ihwo ri Arka, ihwo ri Sin,

¹⁸ ihwo ri Arvad, ihwo ri Zema kugbe ihwo ri Hamat. Ukuko rọye uvwiẹ ri Kenan na da rhe hrabọ.

¹⁹ Otọ rẹ ihwo ri Kenan da hẹre nẹ Sodọm vwẹ ẹbẹre ri Gẹra, re te Gaza, vwẹ abọ ri Sidọn, Gomora, Adma kugbe Zẹboiim, rhiri re te Lasha.

²⁰ Enana eye emọ ri Ham, vwẹ ekrekru rayen, vẹ ephẹrẹ rayen, otọ rayen, kugbe ẹgborho rayen.

²¹ Ji vwi Shẹm na, ọye ọsẹ rẹ emọ rẹ Ẹber ejobi, oniọvo ri Jafẹt rẹ ọkpako, ọye vwiẹ emọ kẹ.

²² Emọ ri Shẹm: Elam, Asshur, Apak-shad, Lud, kugbe Aram.

²³ Emọ ri Aram: Uz, Hul, Gether kugbe Mash.

²⁴ Apak-shad kọye rha ọsẹ ri Shelah; Shelah ke rha dia ọsẹ rẹ Eber.

²⁵ Eber de vwiẹ emọ ivẹ odẹ rẹ ọvo ki Pẹlẹg, ọke rọye akpọ na vwọ hẹriẹ, odẹ rẹ oniọvo rọye ke rha Joktan.

²⁶ Joktan kọye ọsẹ ri Almodad, Shelef, Hazarmaveth, Jerah,

²⁷ Hadoram, Uzal, Diklah,

²⁸ Obal, Abima-el, Sheba,

²⁹ Ofir Havilah, kugbe Jobab; enana ejobi na emọ ri Joktan.

³⁰ Otọ rẹ ayen diare hẹre ni Mesha vwẹ ẹbẹre ri Sefar re te orho rẹ ugbenu rẹ ọnre va nẹcha na.

³¹ Enana emọ ri Shẹm, vwẹ ekrekru rayen, vẹ ephẹrẹ rayen, otọ rayen kugbe ẹgborho rayen.

³² Enana eye ekru rẹ emọ ri Noa, kirobo rẹ orua rayen wanre, vwẹ ẹgborho rayen; vwẹ oma rẹ enana kọye ẹgborho rẹ akpọ na ejobi hra nurhe rẹ oghwe na vwọ kponu.