Izikiẹl 10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

Urinrin rẹ Ọghẹnẹ Vrẹn nẹ Evun rẹ Uwevwi rẹ Ẹga na

¹ Etiyin mi de ni, nighere, vwẹ o bi irharheghe rọ hẹ obenu rẹ uyovwi ri shẹrobim na emu ọvo de yoro phia vwọ kere oragha ro lo, rọ họhọ ekete.

² Ọ da ta kẹ ihwo re vwe isada rhuo na, Yanran ra ro ohri rẹ idjuge ri kien yariẹ na re hẹ obotọ ri sherohim na, ghwẹ esia re rhorha na re he uvwre ri sherobim na vọn abọ wẹn, rere wọ hra ayen phihọ enu rẹ orere na. O da yanran vwẹ irharo mẹ na.

³ Asakiephana sherobim na mudia vwẹ obọrhe ọnre rẹ uwevwi na, vwẹ ọke rẹ ohwo na vwọ ro uwevwi; ivwirhi da vọn ọguan rẹ obuko na.

⁴ Urinrin rẹ Ọrovwohwo de mu kpenu nẹ asan sherobim re te ibara rẹ uwevwi na, uwevwi na da rhe vọn vẹ elo rẹ urinrin rẹ Ọrovwohwo na.

⁵ Edo rẹ ibekpe ri sherobim na e de nyo rhiri re te ọguan rẹ obo uphephẹ, kerẹ urhuru rẹ Ọghẹnẹ ro vwo Ẹgba na vwẹ ọke rọ da ta ota.

⁶ Ọke ro vwo ji iji kẹ ohwo rọ vwẹ esada rhuọ na, Reyọ erhanre nẹ uvwre rẹ adjugẹ ro kiẹriariẹ na, nẹ uvwre ri sherobim na, ọ da yanran re mudia kẹrẹ adjugẹ ọvo.

⁷ Shẹrub ọvo da riẹn obọ rọye nẹ uvwre ri sherobim kpo obo erhanre rọ hẹ uvwre ri shẹrobim na, ọ da reyọ evo vwọ, o de phio phihọ abọ rẹ ohwo ro rhuo ẹsada na, ọ reyerọ ọ da ro otafe.

⁸ Shẹrobim na da họhọ obo ri vwo abọ rẹ ohwo vwẹ otọ rẹ ibekpe rayen.

⁹ Mi vwo ni, me da mrẹ, idjugẹ ẹne vwẹ akakọ ri chẹrobim na, ọvuọvo vwẹ akakọ rẹ chẹrob ọvuọvọ, ophioma rẹ idjugẹ na họhọ ubioragha ro lo.

¹⁰ Vwọ kẹ ophioma rayen, ẹne na da họhọ oma ọvo, ọ da họhọ adjugẹ vwẹ uvwre rẹ adjugẹ

¹¹ Ọke re ayen vwo yanran, ayen mi nene idjerhe ẹne na ye ayen kuoma rhẹriẹ-ẹ je ayen yanran, kẹbẹre kẹbẹre rẹ idjugẹ rẹ obaro na neneri iri chekọ mi ghwe nene ye ayen cha rhẹriẹ oma-a jẹ ayen yanran.

¹² Adjugẹ rayen, kugbe ibigẹ rayen, kugbe adjugẹ na da vọn vẹ ibiẹro riariẹ–adjugẹ rẹ ayen ihwo ẹne na vwori.

¹³ Vwọ kẹ idjugẹ na, e de se ayen kẹ e nyo mẹ nẹ, idjugẹ ri kien riariẹ na.

¹⁴ Ọvuọvo rayen de vwo epharo ẹniẹne opharo rẹ ẹsosuọ da họhọ opharo ri shẹrub, opharo rivẹ da họhọ opharo re ohwo, opharo rerha da họhọ opharo rẹ okpohrokpo, opharo rẹne da họhọ opharo rẹ ugo.

¹⁵ Shẹrobim na de vrẹ, Enana eranvwe ekpokpọ re me mrẹre vwẹ oma rẹ urhie ri Kiba.

¹⁶ Ọke ri shẹrobim na da je owọ, idjuge na me yan nene akakọ rẹ ayen; ọke ri sherobim na da kpare ibekpe re vwọ rhan kpenu rẹ otọ na, idjuge na che kuoma rherie nene ayen vwẹ akakọ-ọ,

¹⁷ Ọke rẹ ayen dẹ mudia ghiẹi, enana mi mudia gbiẹi, ọkẹ re ayen de pho mu enu, enana vẹ ayen mi pho mu enu kugbe; kidie erhi rẹ eranvwe ekpokpọ na hẹ evun rẹ ayen.

¹⁸ Etiyin urinrin rẹ Ọrovwohwo de mu nẹ ibara rẹ uwevwi na rhe, ọ de mudia vwẹ enu ri sherọbim.

¹⁹ Cherobim na da kpare ibekpe rayen e da rhan nẹ otọ na kpenu vwẹ irharo mẹ, re ayen vwọ rhan yanran na, vẹ idjuge na vwẹ akakọ rẹ ayen; ayen de mudia asan ẹchẹ rọ hẹ obaro ọnre rẹ uwevwi rẹ Ọrovwohwo na; urinrin rẹ Ọghẹnẹ rẹ Izrẹl da hẹ enu rẹ ayen.

²⁰ Enana eranvwe ekpokpọ re me mrẹre vwẹ obotọ rẹ Ọghẹnẹ rẹ Izrẹl vwẹ oma rẹ urhie ri Kiba, Me da riẹn nẹ shẹrobim ayen ruẹ.

²¹ Ọvuọvo vwo epharo ẹne, ọvuọvo ibekpe ẹne, vwẹ obotọ rẹ ibekpe rayen na da họhọ abọ rẹ ohwo rẹ akpọ.

²² Vwọ kẹ obo rẹ opharo rayen họhọre, eye oghẹre rẹ epharo ọvuọvo na re me mrẹre vwẹ orhoma rẹ urhie ri Kiba. Ayen ohwo ọvuọvo yan phiọnphiọn kpo obaro.