Ezra 10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

Esiobọ nẹ Eya rẹ Isiorho kugbe Emọ Rayen

¹ Vwẹ ọke rẹ Ẹzra vwọ nẹ ẹrhovwo rọ vwọ fan efanfan, rọ vwọ viẹ rọ vwọ vwẹ oma ghwiotọ vwẹ evun rẹ uwevwi rẹ Ọghẹnẹ, ọghwẹgbe rode rẹ eshare, eya, kugbe imitete de koko, bro nẹ Izrẹl ejobi rhe; kidie ihwo na viẹre gangan.

² Etiyin Shekanaya ọmọ rẹ Jehiẹl rẹ emọ rẹ Elam da kpahe ta kẹ Ẹzra nẹ, Avwanre gbẹ urhi rẹ Ọghẹnẹ rẹ avwanre ku kidie avwanre rọvwọ eya erhorha rẹ ihwo rẹ otọ na, ẹkẹvuọvo mrẹmrẹ vwẹ asakiephana iphiẹrohọ je herọ kẹ Izrẹl vwẹ evun rẹ ọnana.

³ Fiki rẹ ọtiọye na, e gbẹ jẹ avwanre vẹ Ọghẹnẹ rẹ avwanre re ọphọ rere avwanre siobọ nẹ eya nana vẹ emọ rayen kpo, kirobo rẹ ọrovwovwe epha vẹ ihwo re phariẹ kpahe Ọghẹnẹ rẹ avwanre na, e jẹn eruo kirobo rẹ urhi na epha.

⁴ Evrẹn, kidie ọnana iruo wẹn, avwanre vẹ owẹ herọ, gba gan oma wo ruo.

⁵ Etiyin Ẹzra de vrẹn, ọ da reyọ ilori rẹ irherẹn vẹ ihwo ri Livae kugbe ihwo rẹ Izrẹl ejobi vwo duvwu iyori nẹ ayen ru kirobo rẹ a tare na. Etiyin ayen de duvwu Iyori na.

⁶ Etiyin Ẹzra de sioma nẹ obaro rẹ uwevwi rẹ Ọghẹnẹ, ọ da yanran kpo uvun ri Jehohanan ọmọ rẹ Eliashib, kẹ etiyin ọ vwerhẹre vwẹ ason yena, ọ re emu-u eyẹ ọ da ame-e, kidie o mu omaphihọ kẹ ijesegbuyota rẹ otu re muru na.

⁷ E de ghwoghwo vwẹ otọ ri Juda vi Jerusalẹm ejobi kẹ otu ri rhivwi nẹ imu rhe na nẹ ayen ra ghwẹ oma koko vwẹ obi Jerusalẹm,

⁸ nẹ ohwo kohwo rọ rha phia vwẹ ẹdẹ erha-a, vwẹ urhi rẹ iruiruo na vẹ ekpakọ na-a eyere rọye ejobi ke gborho, ekpuyovwi rọye ke muo imu vwẹ ukoko rẹ ihwo ri nẹ imu rhe na.

⁹ Etiyin eshare ri Juda ejobi kugbe Bẹnjamin da rhe ghwẹ koko vwẹ ẹdẹ erha re bruru na vwi Jerusalẹm, ọ da dia emeranvwe rẹ irhiri, vwẹ ẹdẹ uje rẹ emeranvwe na. Ihwo na ejobi de tidia vwẹ uphephẹn rọ hẹ obaro rẹ uwevwi rẹ Ọghẹnẹ, ayen ra phariẹ fiki rẹ ota nana ji kugbe okposio rode rọ rhọ na.

¹⁰ Etiyin Ẹzra rẹ orherẹn na de mudia ọ da ta kẹ ayen nẹ, Ovwan chọ urhi ovwan rọvwọn eya erhorha, ọ da nẹrhẹ abe rẹ Izrẹl bu phihọ.

¹¹ Asakiephana wa gba fan efanfan kẹ Ọrovwohwo Ọghẹnẹ rẹ ọse rẹ ovwan, rere ovwan ru ẹguọnọ rọye, wa hẹriẹ oma rẹ ovwan nẹ ihwo rẹ otọ na ji vwo nẹ oma rẹ eya erhorha na.

¹² Etiyin ọghwẹgbe na ejobi da kpahe vẹ urhuru ro kpenu tanẹ, Ghine ọtiọye, avwanre se ru kirobo wọ tare na.

¹³ Ẹkẹvuọvo ihwo na kẹ ibuebu, ọke na ke je dia ọke isio ride, avwanre se mudia uphephẹ-ẹn. Eyẹ ọnana iruo rẹ ẹdẹ ọvo eyẹ ẹdẹ ivẹ-ẹ, kidie avwanre chọ urhi na gangan vwẹ evun rẹ ọnana.

¹⁴ Jẹn otu rẹ iruiruo rẹ avwanre mudia kẹ ukoko na ejobi, jẹn kohwo kohwo vwẹ evun rẹ irere na rọ reyọ eya vwẹ otọ rẹ erhorha na, rhe vwẹ ọke re bruru na, rere ekpakọ vẹ iguẹdjọ re orere ọvuọvo vwọ ba ayen, bẹsiẹ rẹ ophu ọtuatua rẹ Ọghẹnẹ rẹ avwanre vwẹ oma rẹ ota nana vwo fue nẹ avwanre oma.

¹⁵ Jokpa ri Jonatan ọmọ rẹ Asahẹl vẹ Jahzeya rẹ ọmọ ri Tikvah ọvo vwọ so ota na, Meshullam vi Shabetai rẹ ohwo ri Livae da vwọ tua ota rayen na.

¹⁶ Etiyin ihwo ri nẹ imu rhe na de ru ọtioye. Ẹzra rẹ orherẹn na da sanọ eshare, igbuyovwi rẹ uwevwi rẹ esemọ na, kirobo rẹ uwevwi rẹ esẹ rayen epha, dohwo dodẹ re mu kẹ. Vwẹ ẹdẹ rẹ ẹsosuọ rẹ emeranvwe rihwe ayen de tidia rhe guọnọ otọ rẹ ota na,

¹⁷ bẹsiẹ ro rhi vwo te ẹdẹ rẹ ẹsosuọ rẹ emeranvwe rẹ ẹsosuọ na ayen da rhe mrẹ oba rẹ ihwo ejobi re rọvwọ eya erhorha na.

¹⁸ Vwẹ usun rẹ emọ rẹ irherẹn na re rọvwọ eya erhorha vwẹ otọ na, a da mrẹ Maaseya, Eliezer, Jarib vi Gedalaya, vwẹ usun rẹ emọ ri Jeshua rẹ ọmọ ri Jozadak kugbe imoni rọye.

¹⁹ Ayen de ve neẹ, ayen siobọ nẹ eya erhorha na ejobi kpo, izobo rẹ abe rayen da dia ọghwanran ọvo nẹ ohri rẹ igode na rhe, fiki rẹ abe rayen.

²⁰ Vwẹ usun rẹ emọ rẹ Immer; Hanani vẹ Zebadaya.

²¹ Vwẹ usun rẹ emọ ri Harim, Maaseya, Elijah, Shemaya, Jehiẹl vẹ Uzzaya.

²² Vwẹ usun rẹ emọ ri Pashhur: Elioenai, Massaya, Ishmaẹl, Netanẹl, Jozabad vẹ Elasah.

²³ Vwẹ usun rẹ emọ ri Livae Jozabad, Shimei, Kelaya, (kọye Kelitah), Petahaya, Judah, vẹ Eliezer.

²⁴ Vwẹ usun rẹ ibuine na. Eliashib; evo vwẹ otu re vwẹ ẹro te unurhoro na: Shallum, Telem vẹ Uri.

²⁵ Vwẹ evun rẹ Izrẹl vwẹ emo ri Parosh: Ramaya, Izziaya, Malkijah, Mijamin, Eleazar, Hashabaya vẹ Benaya.

²⁶ Vwẹ usun rẹ emọ rẹ Elam: Mattaniaya, Zẹkaraya, Jehiẹl, Abdi, Jeremọt, vẹ Elijah.

²⁷ Vwẹ usun rẹ emọ ri Zattu: Elioenai, Eliashib, Mattaniaya, Jeromot, Zabad, vẹ Aziza.

²⁸ Vwẹ usun rẹ emọ rẹ Bebai da dia Jehohanan, Hananiaya, Zabbai, vẹ Atlai.

²⁹ Vwẹ usun rẹ emọ ri Bani da dia Meshullam, Malluk, Adaya, Jashub, Sheal ve Jeremot.

³⁰ Vwẹ usun rẹ emọ ri Pahatmoab: Adna, Chelal, Benaya, Maaseia, Mattaniaya, Bezalel, Binnui vẹ Manasse.

³¹ Vwẹ usun rẹ emọ ri Harim: Eliezer, Ishijah, Malkijah, Shemaya, Shemeọn,

³² Bẹnjamin, Malluk, vẹ Shamariaya.

³³ Vwẹ usun rẹ emọ ri Hashum: Mattenai, Mattata, Zabad, Elifnelet, Jeremai, Manasse, vẹ Shimel.

³⁴ Vwẹ usun rẹ emọ ri Bani Maadai, Amram, Uel,

³⁵ Benayah, Cheluhi,

³⁶ Vania, Meremot, Eliashib,

³⁷ Mattaniaya, Mattenai, Jaasu.

³⁸ Vwẹ usun rẹ emọ ri Binnui: Shimei,

³⁹ Shele-miaya, Natan, Adaya,

⁴⁰ Maknadebai, Shashai, Sharai,

⁴¹ Azarel, Shemariaya,

⁴² Shallum, Amariaya vi Josef.

⁴³ Vwẹ usun rẹ emọ ri Nebo: Jeiel, Mattitiaya, Zabad, Zebina, Jaddai, Joẹl, vẹ Benaya.

⁴⁴ Enana ejobi na rọvwọ eya erhorha vwẹ otọ na. A da siọn ayen vẹ emọ rayen kpọ.