Emọs 4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Nyo ota nana, ovwan irhuẹn ri Bashan, re he enu rẹ ugbenu ri shenyẹ ivwiegbere re guọghọ ihwo rẹ akpọ bẹn, re ta kẹ eshare rayen nẹ, Vwọ rhe re ma da!

² Ọrovwohwo Ọghẹnẹ na vwẹ ẹfuọn rọye duvwu iyori nẹ, nighere, ẹdẹ rẹ ovwan cha, ra da vwẹ eghọre sa ovwan kpono yanran, vwevwe rẹ ohwo rọ ka uko na eghọre e vwo sio.

³ Ke che kpono ovwan wan iphrophro na, dohwo duphrophro rọye re cha wan, Ovwan ke cha wan mu na vrẹn Ke ovwan cha yan phiọnphiọn gun kpo aro. Ke phio ovwan kpo Harmọn Ọrovwohwo na tarọ.

Izrẹl se Yono Emuọvo nẹ Ehwe rẹ Ọghẹnẹ na Rhe-e

⁴ Yanrhe Bẹtẹl, re wo re gbe ogbeku; kpo Gilgal re wo re ru ogbigbiru; ze izobo wẹn kirhiọke kirhiọke, ẹkẹn ehwe wẹn vwẹ ẹdẹ erherha;

⁵ vwẹ obo ri phuru vwọ kpẹvwẹ ẹkpẹvwẹ, re wo ghwoghwo ẹkpẹvwẹ ro nẹ udu rhe, ghwoghwo ayen; kidie ọtiọye ovwan guọnọ ru E ihwo rẹ Izrẹl, Ọrovwohwo Ọghẹnẹ na tarọ.

⁶ Me vwẹ ako efuanfon tuetue kẹ ovwan vwẹ irere rẹ ovwan ejobi kugbe ọkarovwẹ re emuọre vwẹ ẹdia rẹ ovwan ejobi, yu we ji se rhivwi bru vwẹ rhe-e, Ọrovwohwo na tarọ.

⁷ Me da vwi fiki rẹ ovwan da osio ji yo chekọ emeranvwe erha re vwo te orhọ; osio mi bru rhọ vwẹ orere ọvo, yo che te orere ro chekọ-ọ; osio rhọ phihọ eghwa ọvo, yẹ eghwa rẹ osio rhọ phihọ-ọ vwioro,

⁸ Etiyin Irere ive yẹrẹ erha mi suo-suo kpo orere ọvo ra da ame, jo mu ayen unu-u; dede na yi we rhivwi bru vwẹ rhe-e, Ọrovwohwo na tarọ.

⁹ Me da vwẹ ophan vẹ akprẹn rhe idju rẹ ovwan, re idju vẹ egbo rẹ ovwan da dia ofefẹ; te irhe ri fig rẹ ovwan te irhe re oliv rẹ ovwan ebaka ghwọrọ ayen re; ji we ji rhivwi bru vwe rhe-e Ọrovwohwo na tarọ

¹⁰ Mi ji ọtiekọ rhe ohri rẹ ovwan kerẹ obo ri mi ru Ijipt Me da vwẹ ọlọkọ hwe imighene rẹ ovwan; Mi de mu iyesi rẹ ovwan reyọ, mi de ru ọnrhe rẹ erhọn rẹ ovwan gbo hwe ovwan; yẹ ovwan ji hirhe bru vwẹ rhe-e, Ọrovwohwo na tarọ.

¹¹ Me guọghọ ovwan ẹvo, kerẹ ẹsie re Ọghẹnẹ vwọ guọghọ Sodọm vi Gomorah, wa da họhọ imwerhanre re kpare she nẹ erhanre, yu we ji rhivwi bru vwẹ rhe-e, Ọrovwohwo na tarọ.

¹² Fiki rẹ ọtiọye na ke enẹ mi che ru kẹ ovwan, E Iziẹl, fiki robo mi che vwo ru ọnana kẹ ovwan na, choma wọ ra vwa Ọghẹnẹ wẹn, E Izrẹl.

¹³ Gbe nighere, ohwo rọ ma igbenu na, rọ da rha ma odju, ro dje iroro rẹ ohwo rẹ akpọ kẹ, Rọ nẹrhẹ ebri muẹ vwẹ irhiọke, ro chiyi asan ro kpenu vwẹ akpọ na Ọrovwohwo na, Ọghẹnẹ rẹ ofovwi na, ọye odẹ rọye.