Aizaya 57 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Ọvwata de ghwọrọ, ye ohwo ọvuọvo roro-o, ihwo esiri a kua ayen yanran, ye ohwo ovuọvo riẹ-ẹn. Kidie e si ọvwata nẹ okpetu,

² vwo kpo ufuoma, ayen re rovwoma vwẹ ehwa rọye re yan vwẹ evun re ọvwata rayen.

³ Ẹkẹvuọvo wẹ, si kẹre obonẹ, emọ re ẹboepha na, emọ re vwọ ọfarhiẹn vẹ igberadja na.

⁴ Ono wa bẹnẹ? ono we rhie enu rẹ ovwan phihọ kẹ ri we de yoro ẹrenvwe rẹ ovwan phia? Ovwan dia emọ rẹ igburhi, uvwiẹ rẹ ephiẹn ihwo,

⁵ ovwan re fian nene ehahe, kugbe otọ rẹ irhe ekpokpọ ejobi, ri hwe emọ rẹ ovwan vwẹ iyara, kugbe egbogho vwẹ otọ rẹ eragha?

⁶ usun rẹ ibieragha riorio re he evun rẹ iyara na ọye ẹkẹn wẹn epha, ayen, ayen, ute wẹn; ayen wo ku udi kuẹ, ayen wo ze izobo rẹ ọka kẹ. Enana keye e vwo fue ophu Mẹ?

⁷ Vwẹ enu rẹ ugbenu ro kpenu gogorogo oboyi wo mu ehwa phihọ, kẹ oboyi wa ra de re ze izobo.

⁸ Vwẹ obuko rẹ ẹchẹ kugbe edọvi eye wọ vwe oma wẹ vi, kidie, wọ vwọ djẹ ju vwe vwo na, wo gbe ehwa wẹn ku, wọ yanran bro, wo ruro hẹre phihọ; wọ vẹ ayen gba chọ eki kugbe, wọ guọnọ ehwa rayen, wọ ji ni ẹba rayen.

⁹ Wọ da yan bru Mọlek vẹ evwri wo da ghwa ishani buebu gidi oma; wo de ji ikọn wẹn yanran shesheri, wọ tobọ ji ayen ra ro Erivwi dede.

¹⁰ Oma da ghwọrọ owẹ fiki rẹ idjerhe oshesheri wọ yanre, ẹkẹvuọvo wọ sa tanẹ, o fi emuọvo-o wọ mrẹ arhọ ọkpokpọ vwọ kẹ ogangan wẹn, o gbi ju we shero-o.

¹¹ Ono wọ mrẹ guegue ru wọ da djẹ oshọ, re wọ vwọ vwọrọn efian, ru wo vwo je ẹkarohọ ovwẹ, wo rhe roro uvwe? O dianẹ mi rhurhu unu mẹ, vwe ọke grogro re, kọye wọ gbe dje oshọ mẹ-ẹ?

¹² Mi che gbe ikun rẹ ọvwata wẹn, kugbe uruemu wẹn, ẹkẹvuọvo e sa cha wẹ uko-o

¹³ Ọke wo de bunu, gbe jẹn ekru rẹ oma wẹn sivwi uwe, Odju che dju ayen yanran, ẹnwẹn cha kpare ayen kufia. Ẹkẹvuọvo ohwo ro sioma rọye nu vwẹ oma Mẹ che vwo otọ na, kọ cha vwẹ ugbenu ọfuanfọn Me reuku.

Ọchuko rẹ Ọghẹnẹ kugbe Esivwo

¹⁴ Ka cha ta vwọ kpahọ nẹ, Bọn phihọ, bọn phihọ, rhuẹrẹ idjerhe na, si uchukurhe umwemwu rẹ idjerhe rẹ ihwo Mẹ no

¹⁵ Kidie enẹ Ọro grori ro kpenu Ọvuọvo na tare rọ dia uphephẹ re rara, rẹ odẹ rọye Ọfuanfon. Me dia asan ro kpenu rọ fonro, ihwo re fonro rẹ udu rayen kpotọ Me vayen gbe dia, rere Me vwọ rhọvwọ udu ro kpotọ, rere Me vwọ sasa udu rọ fonro,

¹⁶ Kidie mi dje ẹghwọ ẹghwọ bẹdẹ-ẹ, eyẹ ivunvun ri miovwo uvwe bẹdẹ-ẹ; kidie obọ Mẹ erhi nẹ cha, Mẹvwẹ re ma ẹnwen rẹ arhọ na.

¹⁷ Fiki rẹ orukuruku rẹ ubiupho rẹ imu rẹ ihwo efa ọye ivun vwo miovwo uvwe, Me da ghwiẹ, Mi si opharo nu kẹ ivun de miovwo uvwe, ẹkẹvuọvo o jiji siẹ hẹ obuko vwẹ idjerhe re udu rọye.

¹⁸ Me mrẹ idjerhe rọye, ẹkẹvuọvo Mi ji sivwo ghene, Mi suo Me Me ghare uchebro kẹ Me mia kẹ otu ri muomahọ emamọ re ẹbẹrunu.

¹⁹ Ufuoma, ufuoma, kẹ otu re kẹre kugbe otu ri sheri, eriyin Ọrovwohwo tare; ki Mi sivwo.

²⁰ Ẹkẹvuọvo oruimwemwu kọ họhọ abadi rọ họnra, kidie o se rovwoma-a, ame rọye fa ibehre vẹ ikueku phia.

²¹ O vwo ufuoma-a eriyin Ọghẹnẹ mẹ tare, vwọ kẹ oruimwemwu-u.