Aizaya 33 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

Ọrovwohwo cha vwẹ Esivwo rhe

¹ Ekan ke we, oghwọrọ na, kono ekpuyovwi wẹn je ẹghwọrọ; wẹ ohwo ogbarogba na, ohwo ve owe ji ru emu ogbarogha devo-o Ọke wọ da ghwọrọ ihwo nu, ekpuyovwi wẹn ka je ghwọrọ owe; ọke wo de ru ogbarogba ru wo se ru nure, ke ji nene uwe ru emu ogbarogba rhe.

² E Ọrovwohwo re ehrọre rẹ avwanre, we avwanre hẹrhẹ. Dia ọchuko rẹ avwanre kirhiọke kirhiọke, esivwo rẹ avwanre vwẹ ọke re ukpokpo-ghu

³ Vwe edo re ovan re aghrahra wẹn, ihwo ki muẹ dje, wọ da kparọma wẹn eghọrhọ na kẹ de hra;

⁴ a ghwe emu rẹ ofovwi kere ọke rẹ ekpihọri e si oruru kerẹsiẹ re ahaka epho, re ihwo de pho muo.

⁵ Ọrovwohwo na a kpare kpenu, kidie obenu ọ dia; kọ cha vọn Zayọn ve ọsoso kugbe ọvwata;

⁶ kọye cha nẹrhẹ akpọ wẹn mu vi, esivwo buebu, ẹghwanre kugbe erianriẹn, oshọ rẹ Ọrovwohwo kọye cha dia efe rọye

⁷ Kighe ihwo ri yivwaro re bunu vwe obo otafe, iyinkọn rẹ ufuoma ra viẹ gangan.

⁸ Idjerhe ride na ejobi gberi, eyoyan na ejobi e daji, Ephọ na emiọvwọ ayen, iseri na a jẹn ayen fia, ọ gbi vwo ọ ro se ohwo gbe ohwo-o.

⁹ Otọ na muomahọ ọ rọ brenu, Lẹbanọn a harherọ ọ fa che re, Sharọn ko họhọ atọn; Eashan kugbe Kamẹl io tue ẹbe fia

¹⁰ Asakiephana ki Mi vrẹn, eriyin Ọrovwohwo tare, Asakiephana ke Me kpare oma Me kpenu, Asakiephana ka kpare ovwẹ kpenu

¹¹ Wọ mrevun rẹ iphopho, wo vwiẹ ikpato, ẹnwẹn wẹn ko hirhe oma phihọ erhanre rọ torhẹ owe.

¹² Ihwo na ke dia kere ihwo re torhẹ hirhe phihọ iwurhie, kere inwe ra nyavwe she, ra torhẹ vwe evun re erhanre

¹³ Nyo, ovwan re he ogboko, obo ri mi ruru, ovwan re kere, wa rhọvwe egba Me

¹⁴ Iruimwemwu re he Zayọn oshọ re mu ayen, uguegue mu otu ri je Ọghẹnẹ e vwo Ono vwe usun re avwanre na ve erhanre sa dia? ono vvve usun re avwanre ve ẹtorhẹ ri bẹdẹ na sa dia?

¹⁵ Ohwo rọ yan oyan re ọvwata rọ ta ota re ọsoso, ohwo ro je erere re oshenyẹ fia, ro phorho abọ rọye, ro vwo je udi ẹriọ, rọ vwe obọ di erhọn ro vwo jẹ ikun re ọbara re hweri enyo, ro rhurhu ẹro rọye ro vvvo je uniovwo eno

¹⁶ Kọ cha dia asan ro kpenu; asan ekpọfia rọye ọye uwevwi rẹ oragha, a vwe emuọre rọye ke, ame rọye ro da omuero

¹⁷ Ẹro wẹn kọ mrẹ ovie na vwẹ erhuvwu rọye; ke ayen che ni otọ ro riẹn yanran phei,

¹⁸ Udu wẹn ko ghọghọ vwẹ oshọ na Tivọ ohwo rọ kere na ẹpha, tivọ ọ rọ vwanvwan igho na epha? Tivọ ọ rọ kere ọherhe na epha?

¹⁹ Wọ gbe mrẹ ihwo ri yivwaro na ọfa-a, ihwo re je ogheje ru wo se nyo ota rọyẹ-e, re pherẹ ikoko vwe ephere re wọ riẹn otọ rọye-e

²⁰ Gbe ni Zayọn, orere re avwanre da re erẹ. Ẹro wẹn kọ mrẹ Jerusalẹm, ẹdia ọfuefu, uwevwi re ibokpo ro je ghwie, re ighere rọye se ghwie-e, eyẹ ufi rọye ọvuọvo che vwrẹ-ẹ.

²¹ Ẹkẹvuọvo Ọrovwohwo na ro vwo ọrho ọ vẹ avwanre obọ asan rọ vọnre ve irhie eliehere vẹ itọ ride, asan re ọkọ re inaweri je se te, eye ekpo re erhanre ride je sa wan.

²² Kidie Ọrovwohwo na oguẹdjọ re avwanre, Ọrovwohwo osun re avwanre, Ọrovwohwo na ovie re avwanre, o se sivwi avwanre

²³ Ufi wẹn doghori ọ gbe sa yọnre ọkpọ na gan vwe asan rọ ẹpha-a eye o gbi jẹn aphiarin na riẹn abọ phia-n Te eranvwe re hweri te ekuakua re imu re, pha buebu na ka ghare ayen, ọmwo dede ko vwo ẹkẹn vwo.

²⁴ O gbi vwo ohwo re orere na ọvuọvo rọ sa tanẹ, Me mwọga-a, ihwo re dia Etiyin ka vwe orukuruku rayen ghovwo ayen