Aizaya 32 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

Ovie rẹ Ọvwata

¹ Nighe, ovie ọvo cha re vwe ọvwata, isun ki sun vwe ọsoso.

² Ovuọvo ko dia kere asan odjahọ vwọ ke aphọpho, Urhurho vw ọ ọke re ọgiribọ, kere uto re ame vwe otọ oyaya, kerẹ uhoho re oragha rode vwe otọ ophephe

³ Ọke yena ẹro re ihwo re mrẹ gbi se rhurhu-u kugbe erhọn ri nyoro ke kerhọn.

⁴ Ohwo re udu rọye tuaho ko brorhiẹ re esiri, kugbe ẹrenvwe rọ phere ikọkọ ke ta ota fiotọ gbọnozẹ.

⁵ E gbi se se ẹkpa omamọ ohwo-o eyẹ irhurhu gbe sa dia ohwo re mu ọghọ ke-ẹ.

⁶ Kidie ẹkpa ota rẹ ẹkpa ọ ta, udu rọye umwemwu ọ roro: ro vwo ru emu ọbrabra, rọ vwọ ta ota ọchochọ kpahe Ọrovwohwo, ọ cha davwerhọn re ohwo rẹ owẹvwe hwe-e, ame rẹ ohwo re urhuru siẹ o mi kuofia.

⁷ Irhurhu re ohwo rhurhu imiomiovwi; iroro umwemwu ọye ọvo ọ roro rọ vwẹ efian ghwọrọ ọvwiọgbere, owene ẹdjọ re ovwuvwọhwo na phiọre.

⁸ Ẹkẹvuọvo omamọ ohwo omamo iroro o roro oma re emu esiri o mudia phihọ.

A kpa Okpa kẹ Eya ri Jerusalẹm

⁹ Vrẹn, ovwan eya rẹ oma furu, nyo urhuru Me, ovwan emetẹ re he ofuvwegbe, kerhọn rẹ ota Me.

¹⁰ Kere emu re ẹgbukpe ku wo guoma, ovwan eya ri ghwahọ rere, kidie orhọ ri valn che she, ọke rẹ emamọ ẹkorọ gbe cha rhe-e.

¹¹ Phariẹ, ovwan eya re hẹ ofuvweghe, guoma, ovwan ri ghwaho rerẹ na ghwie nu, ru wọ ba oma wẹn phihọ, wọ vwe eslsọ rhuọ ehun wẹn.

¹² Ghwie udu wẹn fiki re udju esiri na, fiki re ihi ri vain esiri na,

¹³ kidie otọ rẹ ihwo mẹ, o rhi di vọn vẹ inwe kugbe ebe; uyota, fiki re lwevwi re aghọghọ ejobi re he evun rẹ orere re aghọghọ na.

¹⁴ Kidie ighen na a cha mrẹ ayen dje, orere rọ do ve ihwo na kua fiotọ, te igbenu re itete kugbe uwevwi re ohẹrhẹ ki hirhe phihọ emwa bẹdẹ asan re eketekẹtẹ da ghọghọ, odi phiephiephie kẹ uchuru;

¹⁵ bẹsiẹ re vwo ku erhi na ku avwanre ne obenu rhe, rẹ aton de rhi hirhe phihọ udju oyoyovwi, re otọ ro yovwe emu de rhi hirhe phihọ egbo.

¹⁶ Osọsọ kọ cha dia evun re aghwa na ọvwata kọ cha dia udju rọ yọvwe emu.

¹⁷ Erere rẹ ọvwata kọ dia ufuoma, otọ rẹ ọvwata, ke ofuvweghe kugbe ẹro evwosuọ bẹdẹ.

¹⁸ Ihwo mẹ ke cha dia asan re ufuoma, asan rẹ eghemọphe, edia rẹ ọmaerovwo fuefu.

¹⁹ Egbo na ejobi ko che kpotọ re kpae, ka cha vwẹ orere na hwa otọ riẹriẹriẹ.

²⁰ Aghọghọ kẹ ovwan re kọn kẹrẹ asan ame, ri si ufi ne awọ re erhuẹn vẹ ekẹtẹkẹtẹ re vwọ sa djẹ obo ri je ayen.