Aizaya 31 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

Ihwo re Ijipt ihwo ghevweghe e dia Ọghẹnẹ-e

¹ Ekan ke otu re yanran kpo Ijipt ra guọnọ ọchuko re vwẹ ẹro go iyesi, re vwẹ ẹro so ekpere re ofovwi kidie i buru re vwẹ ẹro so ihwo re gua iyesi kidie ayen ganre, ẹkẹvuọvo ayen vwẹ ẹro so Ọfuanfon Ọvuọvo rẹ Izrẹl na-a eyẹ ayen je nọ mie Ọrovwohwọ-ọ

² Dede na ọye re ghwanre ọye je ghwa okpetu cha, o se ota rọye rhivwi-i, ẹkẹvuọvo o che vrẹn vwo so uwevwi re otu ri ruẹ umwemwu, kugbe ihwo re cha orukuruku uko

³ Ihwo rẹ Ijipt na ihwo rẹ akpọ, e dia Ọghẹnẹ-e iyesi rayen ugboma gheghe, e dia erhi-i Ọke rẹ Ọrovwohwo da riẹn obọ rọye phia, ọchuko na kọ yẹghrẹ, ihwo rọ chọ na ki she, ayen ejobi ke ghworọ kugbe

⁴ Kidie enẹ Ọrovwohwo ta ke vwẹ, Kirobo rẹ okpohrokpo eyẹ omo rọye guan siẹ ro de mu eranvwe na, esie re de se isuigodẹ ne ayen gba vwọ tua yẹ unuebo rayen guegue-e yẹ udu re edo na ji bro-o, eriyin Ọrovwohwo re otuofovwi na che wotọ rhe rhe họnre vwe Ugbenu ri Zayọn kugbe igbenu rẹ itete na.

⁵ Kere ephran re rhan vwe obenu, eriyin Ọrovwohwo rẹ otuofovwi na cha sẹro ri Jerusalẹm, ọ sẹro rọye rọ de sivwọ, ọ yan jovwo ro de muo ne ughwu.

⁶ Rhivwi bru ohwo re ovwan gbe kpahe gangan na, E ihwo re Izrel.

⁷ Kidie vwẹ edẹ yena kohwo kohwo cha kpare oma rọye kufia, oma re idọnọ efuanfon kugbe oma re oro, re abọ wẹn vwe imwemwu ru ke wẹn.

⁸ Ihwo rẹ Asiria ke wan oma re ọlọkọ she, ọ dia ọlọkọ re ohwo-o, ọlọkọ ọvo, ọ dia re ohwo-o, kọ ghworọ, Ko cha dje ke ọlọkọ na, imighene rọye ke ghwa oghwa ri karia.

⁹ Oragha rọye ko che dju wan ve oshọ, inotu rọye ke dje jẹn ekpọfia rayen vwo ve uguegue eriyin Ọrovwohwo tare, re erhanre rọye he Zayọn, re ọgiderhanre rọye he Jerusalẹm.