Aizaya 12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

Une rẹ Ẹkpẹvwẹ

¹ Wọ cha ta vwẹ ẹdẹ yena. Me sa kpẹvwẹ owẹ, E Ọrovwohwo, owenẹ ivun mẹ miovwo uwe dede, ophu wẹn na bi wan re, we ọvo na rhoma bru vwe uche.

² Nighere, Ọghẹnẹ esivwo mẹ; ọye me vwẹ ẹro so, oshọ gbi mu vwe-e; kidie Ọrovwohwo Ọghẹnẹ ọye ogangan mẹ kugbe une mẹ, ọ rha rhoma hirhe esivwo mẹ re.

³ Aghọghọ wo vwo vo ame nẹ erhanre rẹ esivwo na rhe.

⁴ Ku wọ ta vwẹ ẹdẹ yena: Vwẹ ẹkpẹvwẹ kẹ Ọrovwohwo, se odẹ rọye; ghwoghwo uruemu rọye kẹ irere na ejobi, ghwoghwo nẹ e mu odẹ rọye kpenu.

⁵ So ejiro kẹ Ọrovwohwo, kidiẹ o ru emu rẹ urinrin; jẹn a riẹn ọnana vwẹ akpọ ejobi re.

⁶ Kperi, so ine rẹ aghọghọ, E emotọ ri Zayọn, kidie Ọfuanfon Ọvuọvo rẹ Izrẹl na rọ uherevie rẹ ovwan na vwa rhurarho.