1 Samuẹl 29 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

Ihwo ri Filistia ri Devid gbuyota-a

¹ Ọke yena ihwo ri Filistia da ghwẹ otuofovwi rayen koko vwẹ Apẹk; ihwo rẹ Izrẹl rhe muerhọn kẹre asan ogbugbu rọ hẹ Jẹzreel.

² Rẹ ehọnvwọre rẹ ihwo ri Filistia vwọ wanvrẹn vwẹ ujori vẹ uriori, ri Devid vẹ ihwo rọye kugbe Akish re ka obuko vwọ wanvrẹn,

³ inotu rẹ ihwo ri Filistia da ta, Die ihwo ri Hibru nana ruẹ vwẹ etinẹ? Akish da ta kẹ inotu rẹ ihwo ri Filistia, Ọnana dia Devid, rẹ odibo ri Sọl, ovie rẹ Izrẹl, rọ vẹ ovwẹ gba herọ rhabaye rhe, rhawẹ ọke rọ vwọ kua bru vwe rhe na me je mrẹ oruchọ vwẹ obọ rọye rhi te nonẹ na-a.

⁴ Ẹkẹvuọvo ophu rọye de mu inotu rẹ ihwo ri Filistia na; inotu ri Filistia na da ta kẹ, Djẹ ohwo na kpo, rere o rhivwi kpo asan ri wo dje kẹ; o che nene avwanre kpo ofovwi na-a, ọ da rhe dia ukọ kẹ avwanre vwẹ evun rẹ ofovwi na. Mavọ ohwo nana vwọ sa rhuẹrẹ oma rọye vẹ ọrovworo kugbe? ọ rha je dia oma rẹ ovwan igbuyovwi rẹ etinẹ na-a?

⁵ Ọnana dia Dẹvid, rẹ ayen! soro vwo gbe eha kẹ ohwohwo tanẹ, Sol hwe uriori? Yi Devid hwe uriori ihwe?

⁶ Etiyin Akish de se Devid ọ da ta kẹ,, Kirobo rẹ Ọrovwohwo herọ na, wẹwẹ ohwo ọsoso, vwọ kẹ vwẹ me guọnọre nẹ wọ vẹ ovwẹ kanre edje rẹ ofovwi na; kidie me mrẹ obo re chọre vwẹ oma wẹn nẹ ẹdẹ wo vwo bru vwe rhe rhi te nonẹ na-a. Yẹ ẹkẹvuọvo na igbuyovwi na sen wẹ.

⁷ Vwẹ ọtiọye na gbe rhivwi asakiephana; re wo kpo egbẹrhẹnẹdẹ, rere ophu wẹn vwo jẹ igbuyovwi ri Filistia na emuo.

⁸ Devid da ta kẹ Akish, Ẹkẹvuọvo kidie mi ruru? Kidie wọ mrẹ vwẹ oma nẹ odibo wẹn rhawẹ ọke ri mi vwo ruẹ iruo ke wẹ na rhi te nonẹ na, rọ djẹ vwẹ ivwighrẹ te ọrovwovwe ovie mẹ ẹhọnra?

⁹ Akish da kpahe kẹ Devid, Me riẹnre nẹ wọ re abe kaka vwẹ obọ mẹ-ẹ kerẹ amakashe rẹ Ọghẹnẹ; ye ẹkẹvuọvo igbuyovwi ri Filistia tare nẹ, O che nene avwanre kpo ofovwi na-a.

¹⁰ Ọtiọye na gbe vrẹn vwẹ irhiọke ride wọ vẹ idibo re ọrovwowe ra vẹ owẹ gba rhe na; rere wo mu oyan họ irhiọke ride, rẹ ọke de ghwe rhie

¹¹ Ọtiọye Devid vẹ ihwo na de vrẹn vwẹ irhiọke ride, ayen de rhivwi kpo otọ ri Filistia. Ẹkẹvuọvo ihwo ri Filistia da yanran kpo Jẹzreel.