Salmos 97 - Bible in Tzeltal de Oxchuc y Tenejapa

Muc' ajwalil te Cajwaltic

¹ Ja' muc' ajwalil stuquel te Cajwaltique; binuc nax me awo'tanic, ja'ex te lumq'uinalexe, binuc nax me awo'tanic te ch'in q'uinalex te joytaybilex ta mar te ma p'isbiluc awajtalule.

² Joytaybil yu'un ijc'al pimil tocaletic te muc' ajwalile; te toj-o'tanil soc te bitic toj ya xchajbane, ja' ipajem c'oem yu'un a te smuc'ul nactijibe;

³ c'ajc' te ya xneelaj bael yu'un, ja' ya xchic' a te mach'atic jcontroinwanejetic te joytaybil yu'une.

⁴ Te tsantsewaletic yu'un, ya sacubtes balumilal; te c'alal ya yil te balumilale, ya xnijc' yu'un.

⁵ Te witstiquil ya x'ulubic jichuc chabec' ta stojol Cajwaltic, ja' te yajwal balumilale.

⁶ Te ch'ulchan ya yalbey sc'oplal te toj yo'tane; spisil te lumetic ya yilbeyic yutsilal te xojobile.

⁷ Ma'yuquic ta q'uinal ya yaiyic te mach'atic xch'uunejic te loc'ombaetic, ja' te mach'atic stoyoj sbaic yu'une. Spisil te bitic cuybil ta Dios ya stinan sbaic ta stojol.

⁸ Cajwal, te Sión soc te lumetic yu'un Judá bin nax yo'tanic yu'un te bitic chajbanbil awu'une.

⁹ Melel te ja'at Cajwal, te Toyolate, ayat ta toyol ta sba te balumilal; mero atuquel cajalat yu'un spisil te bitic cuybil ta Diose.

¹⁰ Te Cajwaltic c'ux ta yo'tan te mach'a ya yilay te bila ma lecuque; ya scanantaybey xcuxlejal te mach'atic jun yo'tanic ta stojol; soc ya yac' ta libre te c'alal ya x'och ta sc'ab te mach'a amene.

¹¹ Te luz ya xtil ta stojol te mach'a lec yo'tan; te sbujts'-o'tanil, ay ta swenta te mach'atic toj yo'tane.

¹² Binuc nax me awo'tanic ta swenta te Cajwaltic, ja'ex te lec awat'elic, albeyaic me lec sc'oplal te xch'ul-biile.