Salmos 95 - Bible in Tzeltal de Oxchuc y Tenejapa

Jc'ajintaytic Cajwaltic soc yutsil co'tantic

¹ La'ic, la' jc'ajintaytic Cajwaltic soc yutsil co'tantic; jc'ajintaytic te ja' jcanantaywanej soc te ja' jcoltaywanej cu'untique.

² Ochucotic bael ta stojol ta yalel wocol, soc ac'a jc'ajintaytic c'ayojetic ta yich'el ta muc'.

³ Melel te Cajwaltique ja' muc' Dios stuquel, ja' Muc' Ajwalil yu'un spisil te ch'ul abatetique.

⁴ Ja' ay ta sc'ab te snajt'il coel te lumq'uinale; soc ja' yu'un te mero toyol witstiquile.

⁵ Te mar ja' yu'un, melel ja' la spas stuquel; soc ja' la spas ta sc'ab te taquin lumq'uinale.

⁶ La'ic, la' jquejan jbatic ta xch'uunel; ac'a calbeytic wocol ta stojol te Cajwaltique, melel ja' la spasotic stuquel.

⁷ Melel ja' Dios cu'untic soc ja' lumotic yu'un; chijotic c'oem te yac'ojotic ta yax aquiltic yu'une. Yo'tic aiya awaiyic stojol te bi ya yal te Cajwaltic:

⁸ “Ma me xawac' tulanubuc awo'tanic, jich bit'il la yich' pasel ta Meriba, jich te bi c'aalil c'ot ta pasel ta Masah ta jochol taquin q'uinal.

⁹ Ja' te c'alal la yilbonic co'tan te antiguo ame'-atatic, manchuc me la yilbonic te at'eliletic cu'une.

¹⁰ Cha'winic (40) ja'wil ilinon yu'un te alnich'an cu'une, soc jich la cal yu'un: “Te ants-winiquetic q'uejel nix baem yo'tanic a; ma xch'uunbonic te mandaliletic cu'une.

¹¹ Ja' swentail te la cal ta jamal ta sc'ajc'al co'tan, te jc'axel ma me x'ochic ta bay awilal cu'un ta swenta cux-o'tan”, xoon yu'unic.