Salmos 9 - Bible in Tzeltal de Oxchuc y Tenejapa

Bin nax yutsil chajbanel yu'un Dios

¹ Cajwal, ya jc'an calbat yutsilal ac'oplal ta spisil co'tan, soc ya jc'an calbey sc'oplal te jchajp at'eliletic awu'une.

² Mero Toyolat ta jyalel atuquel, ya me x'awunon ta scaj te nojel sbujts' co'tan ya caiye; ya jc'an jc'ajintaybat abiil ta c'ayoj.

³ Te jcontrotac ya xloq'uic ta anel ta atojol; ya me xyalic soc ya me xlajic.

⁴ Ja'at te toj ya awaiy chajbanwanej; nacalatix ta amuc'ul nactijib ta achajbanbelon.

⁵ La acomix te mach'atic ma'yuc ta atojole, la ajinix te mach'atic amenique, la atup'bey sna'jibal ta jc'axel ta sbajt'el q'uinal.

⁶ Te jcontro lajemix, laj soc te lumetic yu'unique; ja'at la ajin atuquel, ma'yuc bay jil sna'jibal te lumetique, ni jtebuc.

⁷ Ja'uc me to, te Cajwaltic muc' ajwalil sbajt'el q'uinal stuquel; chapalix smuc'ul nactijib yu'un chajbanwanej.

⁸ Toj me ya xchajban ta spamal te balumilale; toj me ya yalbey sc'oplal juju-jpam lum.

⁹ Te Cajwaltic ya me scanantay te mach'atic tenbilic ta uts'inele; te c'alal ay swocolic, ya me scanantay.

¹⁰ Cajwal, ja' smuc'ulinejat yo'tanic te mach'atic ya sna'bat abae; ma'yuc bay ya apijt'es te mach'atic ya sleate.

¹¹ C'ajintaya ta c'ayoj te Cajwaltic, te yac ta mandal ta Sión; albeya yaiy spisil lumetic te bila spasoje.

¹² Dios ya sna' te mach'atic ya smel yo'tanique; ma ba ya xch'ay ta yo'tan yu'un te yajc'anique, soc ya yac'bey castigo te mach'atic ya x'uts'inwanique.

¹³ Cajwal, na'bon me yo'bolil jba, ila me awil te bit'il ya yac'bonic jwocol te mach'atic ya slab-o'tantayon. Loq'uesawon ta yochibal te lajele.

¹⁴ Ja' yu'un ta bay yochibal sts'ajc'ul Jerusalén, tey me ya calbey spisil lum te atuquel ayat ta alel wocole, te melel bin nax co'tan yu'un te la acoltayonixe.

¹⁵ Te mach'atic ma'yuc ta stojol Dios ja' nix ya x'ochic a ta bay te syaquique; ja' nix ya xyacbot yacanic yu'un te ch'ajan te muquen ay yu'unique.

¹⁶ Te Cajwaltic la yac' sba ta na'el te bit'il yaiyojix chajbanwanej ta stojolic. Te mach'a amen, chucul ya xjil, ja' nix te syac xchajbanej stuquele.

¹⁷ Te mach'atic amenic soc te ma'yuquic ta stojol Dios, ja' nix te mach'atic ya xch'ay ta yo'tanic te Diose, ya me xlajinot ta jc'axel yu'un yip te lajele.

¹⁸ Te mach'atic me'baetic, ma jc'axeluc ch'aybil ta o'tanil, soc ma jc'axeluc ya xch'ay te bila yacalic ta smaliyele.

¹⁹ Jajch'an, Cajwal, ma me lecuc awo'tan yu'un te toybail yu'un te ants-winiquetique. Te mach'atic ma'yuc ta atojole albeya ta jamal te amen te yat'elique.

²⁰ Cajwal, ac'beya xiwel ta yo'tanic, ac'beya sna'ic te ch'ich'-baq'uet naxe.