Salmos 4 - Bible in Tzeltal de Oxchuc y Tenejapa

Mero smuc'ul co'tantic te Cajwaltique

¹ Dios cu'un, jcoltaywanej cu'un, tsacbon jc'op te c'alal ya jc'oponate. Te c'alal ayon ta wocole, ja'at la awac'bon lamajuc q'uinal ta jtojol. Jich yu'un na'bon yo'bolil jba, tsacbon te jc'ope.

² Ja'ex te mero ajwalil acuyoj abaique, ¿Banti c'alal ya aboltesbonic te jc'oplale? ¿Banti c'alal ya ac'anic soc te ya aleic te ma'yuc bila swentail, te ja' nax puro lotil c'ope?

³ Na'aic me te Cajwaltic te ja' ya smulan te mach'a jun yo'tan ta stojole; na'aic me te Cajwaltic te ya yaiybon stojol jc'op te c'alal ya jc'opone.

⁴ Nijc'uc me awo'tanic, ma me xaleic xan amulic. Te c'alal ayex ta awayibic, te senelix q'uinal ae, tsajtaya awaiyic te awo'tanique.

⁵ Ac'aic milbil majt'anil soc awo'tanic; ja'uc me smuc'ul awo'tanic te Cajwaltique.

⁶ Tsobol ya yalic: “¿Mach'a ya yac'botic quiltic te bila leque?” xiic. Cajwal, c'uxtayawotic atuquel.

⁷ C'axem to xan awac'ojbon sbujts' co'tan, c'ax jich te bit'il mach'atic ay trigo soc ya'lel ts'usub yu'unique.

⁸ Te jo'one jun nax co'tan ya jmejts'an jba, soc ya xwayon, melel te ja'at Cajwal ya awac'bon smuc'ul co'tan te cuxulon ta q'uinale.