Salmos 3 - Bible in Tzeltal de Oxchuc y Tenejapa

Sc'anel coltayel yu'un Cajwaltic

¹ Cajwal, bayal te jcontrotac, bayal te mach'atic yo'tan yuts'inonique.

² Bayal te mach'atic yacal ta yalel ta jtojol: “Ma xcoltayot yu'un te Diose”, xiic.

³ Ja'uc me to, ja'at Cajwal ja' jmajq'uilat, ya acanantayon. Ja' cutsilalat, ja'at te ya awac'bon xan yip te co'tane.

⁴ Ya x'awunon ta sc'anel coltayel yu'un te Cajwale, ya stsacbon jc'op stuquel c'alal ta ch'ul wits Sión.

⁵ Ya jmejts'an jba, ya xwayon, soc ya xcha'wijc' xan jsit, melel ja' ipajemon a te Cajwale.

⁶ Ma xju' ya xiwteson te tsobol soldadoetic te ya sjoytayonic soc te ya yuts'inonique.

⁷ Jajch'an, Cajwal. Coltayawon, Dios cu'un. Ja'at ya awejch'entesbey yelaw te jcontrotaque; ja'at ya awuybey sbaquel ye te mach'atic amen yo'tanique.

⁸ Te ja'at, Cajwal, ya xcoltaywanat; jich yu'un ac'beya bendición te lum awu'une.