Salmos 143 - Bible in Tzeltal de Oxchuc y Tenejapa

Cac'oj smuc'ul co'tan ta atojol

¹ Cajwal, aiybon awaiy stojol jc'op; aiybon awaiy stojol te ya calbat wocole. Jac'bon me te jc'ope, melel toj awo'tan atuquel soc jun awo'tan ta jtojol.

² Ma me x'awic'on ta chajbanel te awabatone, melel ta atojol ma'yuc mach'a ma'yuc smul.

³ Te jcontrotac ya snutsonic, ya stenonic ta lum; ya sujonic te yacuc ainucon ta ijc' q'uinal ta muquenal, jich bit'il te mach'a lajemic ta nameye.

⁴ Mero jc'axel tenbilon ya caiy; ma'yuconix ta q'uinal soc te co'tane.

⁵ Ja' ya jna' te bit'il at'ejat ta namey; soc ya xtal ta co'tan spisil te bitic apasoje.

⁶ Ya jtoy moel jc'ab ta atojol; taquejemix co'tan yu'un te ma jtaate, jich c'oemonix ya caiy te bit'il taquin lume.

⁷ Cajwal, jac'bon me jc'op ta ora; yac meix ta comel q'uinal ya caiy. Ma me x'acombon te jcoltayel; teme jich ya apasbon ta jtojol, jich me ya xc'oon te bit'il mach'atic lajemique.

⁸ Ta sab ac'bon jna' stojol te xc'uxul awo'tan, melel cac'oj smuc'ul co'tan ta atojol. Ac'bon jna' stojol te bit'il ya sc'an ya x'ainon soc co'tan, melel ya cal ta atojol te bitic ya sc'an te co'tane.

⁹ Cajwal, ac'awon ta libre yu'un te jcontrotac, melel ja' yacon ta sleel te ya jnac' jba ta atojole.

¹⁰ P'ijubtesawon ta spasel sc'anjel awo'tan, melel ja'at Diosat cu'un. Te lequil espíritu awu'un, ac'a yic'on bael ta toj be.

¹¹ Cajwal, ac'awon ta cuxinel ta awenta; melel toj awo'tan atuquel, loq'uesbon ta jtojol te wocole.

¹² Te bit'il jun awo'tan ta jtojol, jina te jcontrotaque; jina ta spisil, melel jo'on te awabatone.