Salmos 130 - Bible in Tzeltal de Oxchuc y Tenejapa

Smuc'ul co'tantic ta stojol Cajwaltic

¹ C'alal to ta sc'ubulil yijc'al q'uinal ya calbat wocol, Cajwal.

² Cajwal, aiybon me te jc'ope; Aiybon awaiy caw te yacon ta yalel wocol ta atojole.

³ Cajwal, te ayuc ta wenta awu'un te bitic amen jpasojtic, ma'yuc mach'a ya xju' yu'un te jichuque.

⁴ Pero ya jtatic perdón ta atojol, swenta yu'un jich ya quich'ticat ta muc'.

⁵ Ta spisil co'tan ya jmaliy te Cajwaltique; ja' ya smuc'ulin co'tan te sc'ope.

⁶ Jo'on ya jmaliy te Cajwaltique, c'ax jich a te bit'il jcanan-lum te yac ta smaliyel bi ora ya sacub te q'uinale. Jich te bit'il ya smaliy ya sacub q'uinal te jcanan-lum,

⁷ jich me xamaliy te Cajwaltic, ja'ex lum Israel. Melel ay c'uxtayel yu'un, soc mero ya x'ac'awan ta libre stuquel.

⁸ Ya me yac' ta libre yu'un spisil smul te israeletique.