Salmos 127 - Bible in Tzeltal de Oxchuc y Tenejapa

Spisil ya yac' Cajwaltic

¹ Tojol me ya yac' swocolic te jpas-naetique, teme ma ja'uc Cajwaltic te jich ya sc'ane; tojol me ya yac' swocolic ta jcanan-lum te jcananetic, teme ma ja'uc Cajwaltic te ya scanantaye.

² Tojol ya awac' awocolic te spisil ora sjunal c'aal ya x'at'ejex, c'ux obol abaic ya ata awe'ic jpejch' waj, melel wayajtic a ya x'ac'botic yu'un Dios te mach'atic c'ux ta yo'tane.

³ Te cal-jnich'antic ya x'ayinic, ja' jc'ulejaltic te ya yac'botic te Cajwaltique.

⁴ Te cal-jnich'antic ya x'ayinic te c'alal ma to me'el-mamalucotic ae, jich c'oemic te bit'il bayal ta jch'ix yat'ejibal t'imalte' ta sc'ab tulan soldado.

⁵ Bin nax me yutsil te mach'a ay bayal ta jch'ix yat'ejibal t'imalte' c'oem yu'une. Ma ba ya sta q'uexlal ta stojol scontro te c'alal ya scoltay sba ta sc'ab ta stojol te juecetique.