Salmos 11 - Bible in Tzeltal de Oxchuc y Tenejapa

Mero smuc'ul co'tan te Cajwale

¹ Jo'on ya jle canjib ta stojol te Cajwale. Tojol te bila ya awalbonique: “Anan bael ta witstiquil jich bit'il te ja'mal mutetique.

² Na'a me te mach'atic amen yo'tanique ya xchajban sbaic soc st'imic, ya snitiquix te st'imique; ta bay yawilic te snac'oj sbaic, tey ya st'imuyic tel ta stojolic te mach'atic lec yo'tanique.

³ Teme ya yich' jinel te banti awich'oj awipique, ¿bi ya xju' ya spas xan te winic lec yo'tane?” xiic.

⁴ Te Cajwaltic ay ta ch'ul templo yu'un; ay smuc'ul nactijib ta ch'ulchan. Mero jamal sit ta lec stuquel, yat'elinej scanantayel xcuxlejal te ants-winiquetique.

⁵ Te Cajwaltic ya yil te mach'atic toj yo'tanic soc nix te mach'atic amen yo'tanique. Te mach'atic amen yo'tanic jc'axel yilayej ta yo'tan stuquelic, ja' te mach'atic toyol yo'tanic ta spasel te uts'inwaneje.

⁶ Te Cajwaltic ya me yac'bey woclajel jichuc ja'al; ya me xtal c'ajc' soc azufre ta stojolic te mach'atic amen yo'tanique, soc ya xtal c'ajc'al ic' ta stojolic te jich ya xbacub spisil bitic ay. Jich ya sc'an ya x'ac'bot stojic yu'un te Cajwaltique.

⁷ Te Cajwaltique toj yo'tan stuquel, soc c'ux ya yaiy ta yo'tan te mach'a toj te bitic ya spase. Jich yu'un ya me yilbey sit Cajwaltic stuquel te mach'a lec yo'tanique.