Nehemías 11 - Bible in Tzeltal de Oxchuc y Tenejapa

Mach'atic nainic ta Jerusalén

¹ Te mach'atic ay yat'elic yu'un te lume, nainic ta Jerusalén. Te jayeb xan jil te yajwal lume, la spasbeyic snúmeroil te mach'a ya xc'ot ta swenta te jujun ta slajunebal te lajlajuneb ta jchajbe ya xbajt'ic ta nainel ta Jerusalén, ja' te ch'ul lume. Te yantic balunchajp ya xjilic ta yantic lumetic.

² Te ants-winiquetic mero lec sc'oplal yu'unic te mach'atic spasemal yo'tanic la yal sbaic te ya xbajt'ic ta nainel ta Jerusalén.

³ Te jtsobawanejetic yu'unic te muc' sc'oplalic, te cha'sujt'emiquix tel ta slumalique, la xchajban snaic ta Jerusalén. Pero ta lumetic te ayic ta sq'uinal Judá nainic te israeletic, te sacerdoteetic, te levitaetic, te abatetic ta templo, soc te sts'umbal te abatetic yu'un Salomón. Ta juju-jtul bajt'ic ta slumalic ta sq'uinalic.

⁴ Te sts'umbal Judá soc sts'umbal Benjamín, ay bajt'ic ta nainel ta Jerusalén. Ja'ic te sts'umbal Judá in to: Ataías snich'an Uzías, snich'an Zacarías, snich'an Amarías, snich'an Sefatías, snich'an Mahalaleel, sts'umbal yu'un Fares;

⁵ soc Maasías snich'an Baruc, snich'an Colhoze, snich'an Hazaías, snich'an Adías, snich'an Joiarib, snich'an Zacarías, snich'an Siloni.

⁶ Ta spisil te sts'umbal yu'un Fares te jilic ta nainel ta Jerusalén, ay jbajc' soc waxaqueb xchanwinic (468), ta spisilic ya xju' yu'unic guerra ta lec.

⁷ Te sts'umbal Benjamín ja'ic in to: Salú snich'an Mesulam, snich'an Joed, snich'an Pedaías, snich'an Colaías, snich'an Maasías, snich'an Itiel, snich'an Jesaías;

⁸ soc yermanotac, Gabai soc Salai. Ta spisil waxaqueb sjucwinic yoxbajc' (928).

⁹ Te jwentainwanej yu'unique, ja' te Joel snich'an Zicri; te xchebal jwentainwanej yu'un te lume, ja' te Judá snich'an Senúa.

¹⁰ Te mach'atic sacerdoteetic ja'ic in to: Jedaías snich'an Joiarib, Jaquín,

¹¹ soc Seraías snich'an Hilcías, te ja' snich'an te Mesulam, te snich'an Sadoc, te snich'an Meraiot, te snich'an Ahitob, ja' te muc' jtsobawanej ta templo yu'un Dios.

¹² Soc te sjo'tac ta at'el ta templo, ayic cha'bajc' soc cheb xcha'winic (822). Soc te Adaías snich'an Jeroham, snich'an Pelalías, snich'an Amsi, snich'an Zacarías, snich'an Pasur, snich'an Malquías.

¹³ Te xchapomal, te jwolwanejetic ta jujun nae, ayic cheb yoxlajunwinic (242) ta jtul. Soc te Amasai snich'an Azareel, snich'an Azai, snich'an Mesilemot, snich'an Imer.

¹⁴ Te xchapomalic te ya sna'ic guerra, ayic waxaqueb sjucwinic (128). Te jtsobawanej yu'unique, ja' te Zabdiel snich'an Gedolim.

¹⁵ Te mach'atic levitaetic: Semaías snich'an Hasub, snich'an Azricam, snich'an Hasabías, snich'an Buni.

¹⁶ Te jwolwanejetic yu'un levitaetic, ja'ic te Sabetai soc Jozabad. Ja' ay ta swentaic te at'el ta spat templo yu'un te Diose.

¹⁷ Matanías snich'an Micaía, snich'an Zabdi, snich'an Asaf, ja' te director yu'un coro te la yaiyic c'ayoj ta swenta sc'ajintayel yutsilal Dios, soc ta swenta yalel wocol ta stojol. Bacbuquías te ja' xchebal alnich'an yu'un te yermanotaque, soc Abda snich'an Samúa, snich'an Galal, snich'an Jedutún.

¹⁸ Ta spisilic te levitaetic te jilic ta ch'ul lume, ayic chaneb yo'lajunwinic (284).

¹⁹ Te mach'atic jcanan-ti'nailetic ja'ic in to: Acub, Talmón soc te xchapomalique, ayic lajchayeb sbalunwinic (172).

²⁰ Te yantic israeletic ta spisilique, soc te jayeb xan sacerdoteetic soc te levitaetic, bajt'ic ta nainel ta yantic lumetic ta Judá, juju-jtul bajt'ic ta sq'uinalic.

²¹ Pero te abatetic ta templo, te ja' jwolwanej yu'unic te Ziha soc Gispa, nainic ta Ofel stuquelic.

²² Te jwolwanej yu'un levitaetic ta Jerusalén, ja' te Uzi snich'an Bani, snich'an Hasabías, snich'an Matanías, snich'an Micaía, jtul patil alnich'an yu'un Asaf, ja' sts'umbal te directoretic yu'un c'ayojetic ta yorail ay servicio ta templo yu'un te Diose.

²³ Yu'un te muc' ajwalil yaloj mandal ta stojolic te jc'ayojetic te bila ya spasic ta jujun c'aale.

²⁴ Te mach'a ya xc'opoj yu'un te muc' ajwalil, swenta xchajbanel c'opetic ta swenta te lume, ja' te Petaías snich'an Mesezabeel, sts'umbal Zera snich'an Judá.

Yantic q'uinaletic te banti bajt'ic ta nainel

²⁵ Ayic cha'oxtul te sts'umbal Judá te nainic ta lum Quiriat-arba, Dibón, Jecabseel,

²⁶ Josué, Molada, Bet-pelet,

²⁷ Hazar-sual, Beerseba,

²⁸ Siclag, Mecona,

²⁹ En-rimón, Zora, Jarmut,

³⁰ Zanoa, Adulam, Laquis, soc Azeca, soc xan te ch'in lumetic ta pamalpam, soc q'uinaletic. Jajch' ta Beerseba, c'alal ta stenlej xatal q'uinal yu'un Hinom, c'o yac' sbaic ta nainel.

³¹ Te sts'umbal Benjamín nainic ta lum Geba, Micmas, Aía, Betel soc ta yantic ch'in lumetic ta pamalpam.

³² Soc nix ta lum Anatot, Nob, Ananías,

³³ Hazor, Ramá, Gitaim,

³⁴ Hadid, Seboim, Nebalat,

³⁵ Lod, ta lum Ono, soc ta stenlej xatal q'uinal yu'un Jten-taq'uinetic.

³⁶ Soc ay levitaetic la yich' sq'uinalic ta sq'uinal Judá soc ta sq'uinal Benjamín.