Josué 15 - Bible in Tzeltal de Oxchuc y Tenejapa

Sq'uinal Judá

¹ Te q'uinal ac'bot ta swenta xchaplejal te sts'umbal Judá, ta swenta snumeroil ta na'el, ja' c'ot ta swenta c'alal ta sti'il sq'uinal Edom, soc ta stojol sur c'ot c'alal ta jochol taquin q'uinal Zin.

² Melel jajch' bael ta mero sur yu'un te Mar Muerto,

³ bajt' xan ta stojol sur, ta nopol wits Acrabim, c'ax bael ta jochol taquin q'uinal Zin, soc ta stojol sur yu'un Cades-barnea. Bajt' xan c'alal ta lum Hezrón, mo bael ta lum Adar, la spas buelta ta stojol lum Carca.

⁴ Bajt' xan c'alal ta lum Asmón, loc' bael ta yocja' Egipto, tey c'ot ta comel ta sti'il Mar Mediterráneo. Ja' mojón ta stojol sur.

⁵ Ta stojol sloq'uib c'aal ja' mojón c'ot te Mar Muerto, ja' to c'alal ta bay ya xjul ta Mar Muerto te muc'ja' Jordán. Jajch' bael tey a te mojón yu'un norte,

⁶ mo bael ta bay lum Bet-hogla, c'ax bael ta stojol norte yu'un te lum Bet-arabá, c'ot ta Muc'ul Ton Bohán Ben-rubén.

⁷ Mo xan bael ta stenlej xatal q'uinal yu'un Acor c'alal ta lum Debir, soc la spas tel buelta ta stojol Gilgal te ay ta c'axibal Adumín, ta stojol sur yu'un te yocja'. Bajt' xan te mojón, c'ax bael ta sloq'uibja' En-semes, bajt' c'alal ta sloq'uibja' En-rogel.

⁸ Jich c'ax bael ta stenlej xatal q'uinal te Ben-hinom, ta stojol sur yu'un te wits te banti ay Jebús, ja' te Jerusalén. Mo beel ta jolwits te ay ta stojol smalib c'aal yu'un te stenlej xatal q'uinal yu'un Hinom, soc ta stojol norte yu'un te stenlej xatal q'uinal yu'un Refaim.

⁹ La yac' buelta ta jolwits c'alal ta sloq'uibja' Neftoa, bajt' xan c'alal ta lumetic te ay ta wits Efrón, c'ax bael ta Baala, te ja' sbiilinej uuc te Quiriat-jearim.

¹⁰ Jajch' bael ta Baala te mojone, la yac' buelta ta stojol smalib c'aal c'alal ta wits Seir, soc c'ax bael ta lum Quesalón ta xch'ujt' wits Jearim ta stojol norte, co tel c'alal ta lum Bet-semes, soc c'ax bael ta lum Timna.

¹¹ Bajt' xan ta moel ta stojol norte yu'un Ecrón, la yac' buelta ta lum Sicrón, c'ax bael ta wits Baala, c'ot ta lum Jabneel, tey c'ot ta comel ta Mar Mediterráneo.

¹² Ta slajibal, te mojón te ay ta stojol smalib c'aal, ja' sti'il te Mar Mediterráneo. Ja' mojonetic yu'un te q'uinal c'ot ta swentaic te sts'umbal Judá te la yich' puquel te jayeb ta jchajp te sts'umbale.

Caleb la stsal Hebrón soc Debir

¹³ Te Josué la yac'bey Caleb snich'an Jefone xejt' sq'uinalic te sts'umbal Judá. Jich te bit'il albil mandal yu'un Cajwaltic, ja' la yac'bey te Quiriat-arba, ja' te Hebrón, te lum bayal sc'oplal yu'un te sts'umbal najt'il winic Anac.

¹⁴ Te Caleb la sloq'ues bael tey a te oxtul sts'umbal te najt'il winic Anac, ja'ic te Sesai, Ahimán soc Talmai.

¹⁵ Patil ba yac'bey guerra te mach'atic ayic ta lum Debir, te Quiriat-sefer sbiil ta neelale.

¹⁶ La yal: —Te mach'a ya xju' yu'un stsalel te lume, ya cac'bey yinamin te cantsil-nich'an Acsa —xi'.

¹⁷ Te mach'a la stsal te lume, ja' te snich'jun Otoniel, te snich'an Cenaz. Te Caleb la yac'bey yinamin te yantsil-nich'an Acsa.

¹⁸ Te c'alal ya xbajt'iquix ta sna, te Otoniel la yalbey te Acsa te yacuc sc'anbey jtebuc sq'uinal stat te ya xtuun yu'une. Jich yu'un te ants, co ta sburro. Te Caleb la sjojc'obey: —¿Bi ya ac'anbon? —xi'.

¹⁹ —Ya calbat wocol, ja' te bit'il la awac'bon jq'uinal ta bay jochol taquin q'uinal ta Néguev, co'tan ya awac'bon soc sloq'uibja'etic —xi' te Acsae. Jich la yac'bey te sloq'uibja'etic te ayic ta cajal, soc te ayic ta alane.

Lumetic yu'un sts'umbal Judá

²⁰ Ja' te lumetic la yich' puquel ta stojol te sts'umbal Judá, chican te jayeb ta jchajp te sts'umbale.

²¹ Te lumetic te jil ta swentaic ta sur ta bay stojol bael mojón yu'un Edom, ja'ic Cabseel, Edar, Jagur,

²² Cina, Dimoná, Adada,

²³ Cedes, Hazor, Itnán,

²⁴ Zif, Telem, Bealot,

²⁵ Hazor-hadata, Queriot, Hezrón (te Hazor yan sbiile),

²⁶ Amam, Sema, Molada,

²⁷ Hazar-gada, Hesmón, Bet-pelet,

²⁸ Hazar-sual, Beerseba, Bizotia,

²⁹ Baala, Iim, Esem,

³⁰ Eltolad, Quesil, Horma,

³¹ Siclag, Madmana, Sansana,

³² Lebaot, soc En-rimón. Ta spisil ay baluneb xcha'winic (29) ta jpam lum soc te ch'in lumetic yu'unique.

³³ Te lumetic te c'ot ta swentaic ta bay spamlej, ja' te Estaol, Zora, Asena,

³⁴ Zanoa, En-ganim, Tapúa, Enam,

³⁵ Jarmut, Adulam, Soco, Azeca,

³⁶ Saaraim, Aditaim, Gedera soc Gederotaim. Chanlajuneb ta jpam lumetic soc te ch'in lumetic yu'unique.

³⁷ Te lumetic Zenán, Hadasa, Migdal-gad,

³⁸ Dileán, Mizpa, Jocteel,

³⁹ Laquis, Boscat, Eglón,

⁴⁰ Cabón, Lahmam, Quitlis,

⁴¹ Gederot, Bet-dagón, Naama soc Maceda. Waclajuneb ta jpam lumetic soc te ch'in lumetic yu'unique.

⁴² Te lumetic Libna, Eter, Asán,

⁴³ Jifta, Asena, Nezib,

⁴⁴ Keila, Aczib soc Maresa. Baluneb ta jpam lum soc te ch'in lumetic yu'unique.

⁴⁵ Te jpam lum Ecrón soc te lumetic soc te ch'in lumetic yu'une,

⁴⁶ c'alal Ecrón c'alal ta mar, spisil te q'uinal nopol bael yu'un te lum Asdod soc te ch'in lumetic yu'une.

⁴⁷ Te jpam lum Asdod, te lumetic soc te ch'in lumetic yu'une. Te lum Gaza, te lumetic soc te ch'in lumetic yu'une, c'alal ta yocja' yu'un Egipto soc ta ti'ti'mar Mediterráneo.

⁴⁸ Ta witstiquil, ja' c'ot ta swenta Judá te lumetic Samir, Jatir, Soco,

⁴⁹ Daná, Quiriat-sana (Debir yan sbiil),

⁵⁰ Anab, Estemoa, Anim,

⁵¹ Gosén, Holón soc Gilo, ay bulucheb lumetic soc te ch'in lumetic yu'unique.

⁵² Te lumetic Arab, Duma, Esán,

⁵³ Janum, Bet-tapúa, Afeca,

⁵⁴ Humta, Quiriat-arba (Hebrón yan sbiil) soc Sior, ay baluneb ta jpam lumetic soc te ch'in lumetic yu'unique.

⁵⁵ Te lumetic Maón, Carmel, Zif, Juta,

⁵⁶ Jezreel, Jocdeam, Zanoa,

⁵⁷ Caín, Gabaa soc Timna, ay lajuneb ta jpam lum soc te ch'in lumetic yu'unique.

⁵⁸ Te lumetic Halhul, Bet-sur, Gedor,

⁵⁹ Maarat, Bet-anot soc Eltecón, ay waqueb ta jpam lum soc te ch'in lumetic yu'unique.

⁶⁰ Te lumetic Quiriat-baal (Quiriat-jearim yan sbiile) soc Rabá, soc te ch'in lumetic yu'unique.

⁶¹ Ta bay jochol taquin q'uinal c'ot ta swentaic te lumetic te Bet-arabá, Midín, Secaca,

⁶² Nibsán, Lum yu'un Ats'am soc te Engadi, ay waqueb ta jpam lum soc te ch'in lumetic yu'unique.

⁶³ Te sts'umbal Judá ma ju' yu'unic sloq'uesel ta Jerusalén te jebuseoetic te nainemic tey a. Ja' yu'un c'alal ora yo'tic nainemic ta Jerusalén soc te sts'umbal Judá.