Job 25 - Bible in Tzeltal de Oxchuc y Tenejapa

¹ La sjac' xan te Bildad, jich la yal:

² —Te Diose mero bayal yu'el, ay ta xi'el stuquel; ja' stuquel te ya yac' lamajuc q'uinal ta ch'ulchane.

³ Mero ma xju' ta ajtayel te ch'ul abatetic yu'une, ya yac'bey tiluc xojobil ta stojol spisilic.

⁴ ¿Ya bal xju' yu'un jtul winic te ayinem ta swenta ants, te toj yo'tan soc mero lec yo'tan ta stojol te Diose?

⁵ Ta stojol Dios ma'yuc xojobil u, soc ni ja'uc mero lequic te eq'uetique.

⁶ Ja'uc to balix a te winic, te pajal soc yalja stuquele —xi' te Bildad.