1 Crónicas 3 - Bible in Tzeltal de Oxchuc y Tenejapa

Snich'nab David

¹ Te snich'nab David te ayinic ta Hebrón, ja'ic te Amnón te banquilal te ja' yal te Ahinoam te Jezreel-antse; te xchebale, Daniel, ja' yal te Abigail te Carmel-antse;

² te yoxebale, Absalón, ja' yal te Maaca te yantsil-nich'an Talmai, muc' ajwalil yu'un Gesur; te xchanebale, Adonías, ja' yal te Haguit;

³ te yo'ebale, Sefatías, ja' yal te Abital; te swaquebale, Itream, ja' yal te Egla te yan yinam David.

⁴ Ja'ic te swactulul snich'nab David te ayinic ta Hebrón, ta bay mandalaj juqueb ja'wil soc waqueb u. Ta patil mandalaj oxlajuneb xcha'winic (33) ja'wil ta Jerusalén.

⁵ Tey ayinic xan a chantul snich'nab: Simea, Sobab, Natán soc Salomón. Spisilic ja' yalatac te Betsabé te yantsil-nich'an Amiel.

⁶ Ay to nix ayin xan baluntul snich'nab: Ibhar, Elisama, Elifelet,

⁷ Noga, Nefeg, Jafía,

⁸ Elisama, Eliada soc Elifelet.

⁹ Spisilic ja' snich'nab David, ma ba tsacbil ta ajtayel stuquel te yalatac te yantic antsetic yu'une. Te ants Tamar ja' nix yantsil-nich'an David.

Sts'umbal Salomón

^10-14 Te sts'umbal Salomón, xmelmon ayic bael, ja'ic te Roboam, Abías, Asa, Josafat, Joram, Ocozías, Joás, Amasías, Azarías, Jotam, Acaz, Ezequías, Manasés, Amón soc Josías.

¹⁵ Te snich'nab Josías, ja'ic te Johanán te banquilale; te xchebale, Joacim; te yoxebale, Sedequías; te xchanebale, Salum.

¹⁶ Te snich'nab Joacim, ja'ic te Jeconías soc te Sedequías.

¹⁷ Te sts'umbal Jeconías te la yich' yantesel slumale, ja' te Salatiel te sba snich'ane,

¹⁸ soc Malquiram, Pedaías, Senazar, Jecamías, Hosama soc Nedabías.

¹⁹ Te snich'nab Pedaías, ja'ic te Zorobabel soc Simei. Te snich'nab Zorobabel, ja'ic te Mesulam soc te Hananías, soc te Selomit te yijts'inic-ach'ixe.

²⁰ Ay xan jo'tul snich'nab: Hasuba, Ohel, Berequías, Hasadías soc Jusab-hesed.

²¹ Te snich'nab Hananías, ja'ic te Pelatías soc te Jesaías. Te sts'umbal Jesaías, xmelmon ayic bael, ja'ic te Refaías, Arnán, Abdías soc Secanías.

²² Te snich'nab Secanías, ja'ic te Semaías, Hatus, Igal, Barías, Nearías soc Safat; waqueb ta spisilic.

²³ Te snich'nab Nearías, ay oxebic: te Elioenai, Ezequías soc Azricam.

²⁴ Te snich'nab Elioenai, ay juctulic: te Hodavías, Eliasib, Pelaías, Acub, Johanán, Dalaías soc Anani.