Salmos 98 - Bible in Tzeltal Bachajón

Yalel yutsil sc'oblal Dios yu'un stojil ya'tel

¹ C'ayojtayahic te Jehová ta yach'il c'ayoj, yu'un jchahp a'teliletic spasticlanej; la ya'iy tsalaw ta scuenta te sch'ul swa'el-c'ab.

² Te Jehová la yaq'uix ta na'el te colel yu'un, la yaq'uix ta ilel ta stojol te nacionetic te stojil ya'tele.

³ La sna' te sc'uxul yo'tan soc te stalel jun yo'tan ta stojol te sna Israel; spisil c'alal sti'il bahlumilal yilojic te colel yu'un te Dios cu'untique.

⁴ C'ayojtayahic Dios soc yutsil awo'tanic, apisilic te ayex ta bahlumilal; hahchanic ta c'ayoj soc yutsil awo'tanic.

⁵ C'ayojtayahic c'ayojetic soc arpa te Jehová; soc arpa soc sc'ayojbil c'ayojetic.

⁶ Soc cornetahetic soc xulubiletic c'ayojinanic ta stojol te Muc'ul Ajwalil Jehová.

⁷ Ac'a awonuc te mar soc spisil bintic ay tey a, te bahlumilal soc te mach'atic tey nahinemic a.

⁸ Ac'a spac' sc'abic te muc'ul-ha'etic, ac'a c'ayojinuc soc yutsil yo'tanic spisil te witsiltic

⁹ ta stojol te Jehová, yu'un ya xtal schahpan te bahlumilale. Stojil me ya schahpan te bahlumilal, pajal me ya schahpan te pueblohetique.