Salmos 93 - Bible in Tzeltal Bachajón

Smuc'ul yutsilal te Jehová

¹ ¡Ha ajwalil te Jehová! ¡Sc'u'inej yutsilal! ¡Te Jehová sc'u'inej yu'el! Yich'oj yip te bahlumilal, ma xhu' ta loq'uesel bahel.

² C'alal ta shahchibal yich'oj yip ta huctajibal awu'un; ha'at atalel ayat sbahtel q'uinal.

³ Hahchemic te ha'etic, Jehová, xju'et hahchel sc'op te ha'etic; hahchemic stselajan hahchel te ha'etique.

⁴ Te Jehová te ay ta toyol c'ax hich yip a te bin ut'il te sc'op bayel ha'etic, c'ax hich a te bin ut'il te tulan stselajan mar.

⁵ Te halbil mandariletic awu'un ma xch'ayic; ha mero yu'un Ana te sbahtel q'uinal ch'ultesbil, Jehová.