Biblia Todo Logo
Bìoball air-loidhne

- Sanasan -

Salmos 81 - Bible in Tzeltal Bachajón


Lec yo'tan Dios, chopol yo'tan Israel
Yu'un jach-c'ayoj; sc'oblal Gitit. Ha salmo yu'un Asaf.

1 ¡Tse'eluc me awo'tanic xac'ayojtayic te Dios, te ha quiptic! ¡Socuc yutsil awo'tanic awonanic ta stojol te Dios yu'un Jacob!

2 Hahchanic ta c'ayoj, tijahic te pandero, te yutsil sc'op te arpa soc te lira.

3 Oq'uesinahic te corneta ta yach'il u, te c'alal ya sta yorahil ya sehp sba, ta sc'ahc'alel te muc'ul q'uin cu'untique;

4 como ha chahpambil mandar yu'un Israel, ha halbil mandaril yu'un te Dios yu'un Jacob.

5 Ha la yac' scuenta testigo-c'op ta stojol José te c'alal loc' tal ta sq'uinal Egipto. La jca'iy c'op te ma ba jna'oj, hich la yal:

6 La jcohtesbatix te awihcats aq'uechoj; colix ac'abic yu'un yalal te moche.

7 Awonat te c'alal ayat ta wocol, la jcoltayat; la jac'bat ac'op c'alal ta banti ya xt'ohm tal chahwuc; la jtsajat ta ti' ha'etic yu'un Meriba. Selah

8 A'iya awa'iy, pueblo cu'un, ay bin ya ca'bat ana'. ¡Te yacuc awa'iybon jc'op, Israel!

9 Ma me ayuc yanl diosetic ta awohlil, ma me xanijan aba ta stojol yan dios.

10 Ho'on Jehovahon, te Dioson awu'un, te la jloq'uesat tal ta sq'uinal Egipto. Jama awe, ya jnojesbat.

11 Pero te pueblo cu'un ma ba la ya'iybon jc'op; te Israel ma ba la yich'on ta cuenta.

12 Ha yu'un la jquihquitay yu'un ya spasic te bin la sc'an yo'tanic, yu'un ya st'unic te snopojibal yu'unique.

13 Te lajuc ya'iybon jc'op te pueblo cu'un, te lajuc st'umbon te behetic cu'un te Israel,

14 ora nax la jcac' pehc'ajuc te scontratac soc la jcontrahin te scontratac te hichuque, xchi.

15 Te mach'atic ya sp'ajic te Jehová ya me sc'ol sbahic yu'un xiwel ta stojol, soc sbahtel q'uinal ma xlaj te castigo yu'unique.

16 Pero Dios ya ya'be swe'elinic mero lequil trigo te pueblo yu'un, soc ya snojesbe sch'uhtic ta chab te ya xloc' ta tontiquil.

Biblia Tzeltal Bachajon © Sociedad Bíblica de México, A.C., 2006.

Bible Society of Mexico
Lean sinn:



Sanasan