Salmos 61 - Bible in Tzeltal Bachajón

Ha smuc'ul yo'tan te canantayel yu'un Dios

Yu'un jach-c'ayoj; soc instrumentos de cuerda. Yu'un David.

¹ Dios cu'un, a'iybon awa'iy caw; a'iybon awa'iy te bin ya jc'ambate.

² C'alal to ta sti'il bahlumilal ya jc'oponat te c'alal ya xpehc'aj te co'tane. Ic'awon bahel ta muc'ul ton te c'ax toyol xan a te bin ut'il te ho'one.

³ Como ha'at ahnibalat cu'un, ha toyol ts'ahcat ta stojol te contrahe.

⁴ Ya jc'an ya xnahinon ta Nahilpac' awu'un spisil ora, soc te ya jnac' jba ta ye'tal axic'. Selah

⁵ Como ha'at Dios cu'un, awa'iyej te bin caloj ta atojol, la awa'bon te bin ya yich'ic hilel te mach'atic ya xi'ic te abihile.

⁶ Nahtubtesbeya yorahil te ajwalil, te ha'biletic yu'un ac'a halajuc bayel ta caj ts'umbalil.

⁷ Spisiluc ora ay ta ajwalil ta stojol Dios; c'uxultaya soc junuc awo'tan ta stojol scuenta yu'un canantaybil ya xc'oht yu'un.

⁸ Hich me ya jc'ayojtaybat abihil spisil ora, soc jujun c'ahc'al ya cac' c'ohtuc ta pasel te bintic ya cal ta jamal ta atojole. Yu'un jach-c'ayoj; ta stojol Jedutún. Salmo yu'un David.