Salmos 54 - Bible in Tzeltal Bachajón

Sc'anel coltayel yu'un Dios ta stojol scontratac

Yu'un jach-c'ayoj. Masquil yu'un David te c'alal talic te zifeohetic, te hich la yalbeyic te Saúl: ¿Ma bal snac'oj sba ta jq'uinalcotic te David? xchihic.

¹ Coltayawon, Dios cu'un, ta scuenta abihil, canantayawon ta scuenta awu'el.

² Dios cu'un, a'iybon jc'op; a'iya awa'iy bin ya cal.

³ Como scontrahinejonic mach'atic ma jna'beyic sba, ya sc'an ya smilonic chopol winiquetic; mayuc ta yo'tanic te Diose. Selah

⁴ Dios me ya scoltayon; te Cajwaltic sjoquinej te mach'atic ya scoltaybon jcuxlejal.

⁵ Ha me ya sutbe bin chopol ta stojol te jcontratac. Te bin ut'il stalel jun awo'tan, lajinlana.

⁶ Ta sc'anojel co'tan ya ca'bat milbil amahtan, ya calbat yutsil abihil, Jehová, como lec stuquel;

⁷ como ha la scoltayon ta spisil wocol, soc la jquil ta jsit te sjinel te jcontrataque.