Salmos 16 - Bible in Tzeltal Bachajón

Tsahbil te bin ya x'a'bot yich'

Ha mictam yu'un David.

¹ Canantayawon, Dios cu'un, como ha'at smuc'ulinejat co'tan.

² Hich la jcalbe te Jehová: Ha'at Cajwalat, mayuc bin yan lec cu'un te bin ut'il te ha'ate, xchihon.

³ Te mach'atic ch'uhltesbilic te ayic ta q'uinal, te mach'atic ay yutsil yo'tanic ha te ya smulan te co'tane.

⁴ Ya xp'ohl swocolic te mach'atic ya st'unic bahel yantic diosetic. Ma ba ya cac' te malbil mahtaniletic yu'un ch'ich' yu'unic, soc ma ba ya cal ta que te sbihilique.

⁵ Te Jehová ha te bin ya x'a'boton quich' soc ha copa cu'un; ha'at yac acanantaybon te bin ya xc'oht ta jcuenta.

⁶ Te mojonetic cu'un c'ohemic ta t'ujbil lugaretic, buen t'ujbil te bin c'oht ta jcuenta te ya quich' hilele.

⁷ Ya calbe yutsilal te Jehová te ya ya'bon jna' bin lec ta pasel, ta ahc'abal ya snohpteson te co'tane.

⁸ Spisil ora nahil cac'oj ta jtojol te Jehová; te bin ut'il ay ta jwa'el, ma ba ya xyuc'oton.

⁹ Ha yu'un tse'el co'tan soc bayel yutsil co'tan; ha nix hich te jbaq'uetal jun yo'tan ay;

¹⁰ como ma ba yac awihquitayon hilel ta muquenal, ma ba yac awac' ta c'a'el te mach'a awu'un te ch'ultesbile.

¹¹ Yac awa'bon quil te sbehlal cuxlejal; ay bayel tse'el-o'tanil ta atojol, ta awa'el ay bintic mulantic sba sbahtel q'uinal. Te bin la yal David ta sc'oponel Dios.