Salmos 15 - Bible in Tzeltal Bachajón

Mach'atic ya xnahinic ta ch'ul wits yu'un Dios

Ha salmo yu'un David.

¹ Jehová, ¿mach'a ya xhu' ya xnahin ta ch'ul Templo awu'un? ¿Mach'a ya xhu' ya xnahin ta ch'ul wits awu'un?

² Ha te mach'a jun ay te yo'tan soc te ya spas te bin toj, te melel bin ya yal te yo'tane;

³ ha te mach'a ma sle c'op, te mayuc bin chopol ya spasbe te spat-xuhc, soc te ma ba ya sbohlobtesbe sc'oblal;

⁴ ha te ya yihlay te mach'a chopol, pero ya yich' ta muc' te mach'atic ya yich'ic ta muc' te Jehová; ha te mach'a ya xc'oht ta pasel yu'un te bin yaloj ta jamal, aunque ya sta swocol yu'un;

⁵ ya yac' ta majanel staq'uin te ma sc'ambe sjol, soc ma ba ya stsac smahtan-taq'uin yu'un scontrahinel te mach'a mayuc smul. Te mach'a hich ya spas, mayuc bin ora ya xyahl.