Salmos 149 - Bible in Tzeltal Bachajón

Ac'a yalbe yutsil sc'oblal Jehová te Israel

¹ ¡Aleluya! C'ayojtaybeyahic yach'il c'ayoj te Jehová; halbeyahic yutsil sc'oblal ta tsoblej yu'un te mach'atic ch'ultesbilique.

² Tse'eluc me yo'tan Israel ta stojol te Jpaswanej yu'une; te snich'nab Sión tse'eluc me yo'tanic ta stojol te Ajwalil yu'unique.

³ Halbeyahic yutsil sc'oblal ta scuenta ahc'ot, c'ayojtayahic soc pandero soc arpa,

⁴ como te Jehová ya smulan te pueblo yu'une; ya ya'be ya'iyic tsalaw te mach'atic peq'uel yo'tanic, ha sch'ahlelic c'oht yu'un.

⁵ Tse'eluc me yo'tanic yu'un te tsalaw la ya'iyic te mach'atic ch'uhltesbilic, ac'a c'ayojinuc ta swayibic.

⁶ Ac'a yalbeyic yutsil sc'oblal Dios ta yehic, soc ayuc ta sc'abic espada te scha'bunjehchel ay ye,

⁷ scuenta ya'beyel spacol ta stojol te nacionetic soc ya'beyel castigo te pueblohetic,

⁸ scuenta schucticlanel ta cadena te ajwaliletic yu'unic, soc ta cadenahetic pasbil ta taq'uin te mach'atic ich'bilic ta muc';

⁹ scuenta yu'un hich ya xc'oht ta pasel a te castigo chapal ta stojolique. Ha yutsilalic ini spisil te mach'atic ch'uhltesbilic. ¡Aleluya!